بالی ووڈ اداکار اور کنگ شاہ رخ خان کا کہنا ہے کہ ا جب لوگ میری فلمز پر تنقید کرتے ہیں تو مجھے بالکل برا نہیں لگتا لیکن اگر معاملات ذاتیات تک پہنچ جائیں تو یہ مجھے پسند نہیں-

باغی ٹی وی : ایک انٹرویو میں شاہ رخ خان کا کہنا تھا کہ میں جانتا ہوں انڈسٹری میں ایسے 50 افراد ہیں جو ذاتی وجوہات کی بنا پر میری فلمیں پسند نہیں کرتے تاہم انڈسٹری سے باہر ایسے کروڑوں افراد ہیں جنہیں میری فلموں سے محبت ہے۔

واضح رہے کہ شاہ رخ خان 2018 میں فلم ’زیرو‘ میں اداکارہ کترینہ کیف اور انوشکا شرما کے ساتھ نظر آئے تھے جب کہ آج کل اداکار اپنی نئی فلم پٹھان کی شوٹنگ میں مصروف ہیں جو آئندہ سال 2022 میں ریلیز ہوگی۔

خیال رہے کہ حال ہی میں بالی ووڈ کی کامیاب ترین فلموں کی فہرست جاری ہوئی جس میں سلمان خان کی فلموں نے سب کو پیچھے چھوڑ دیا ہے بھارتی میڈیا کے رپورٹس کے مطابق سپر ہٹ فلموں میں سُپر اسٹار سلمان خان نے سب کو پیھچے چھوڑدیا ہے سلمان خان کی تین فلموں نے 300 کروڑ،تین فلموں نے 200 کروڑ جبکہ نو فلموں نے 100 کروڑ سے زائد کا بزنس کیا ہے۔

رپورٹس کے مطابق اس فہرست میں ایکشن ہیرو اکشے کمار دوسرے نمبر پر ہیں اور ان کی 11 فلمز نے 100 کروڑ سے زائد کا بزنس کیا تاہم اکشے کی کوئی ایسی فلم نہیں جس نے200 یا 300 کروڑ سے زائد پیسے کمائے ہوں ۔

بالی ووڈ کے مسٹر پرفیکشنسٹ عامر تیسرے نمبر پر ہیں جن کی صرف دو فلمیں ایسی تھیں جنہوں نے 300 کروڑ سے زائد جبکہ دو فلموں نے 100 کروڑ سے زائد کا بزنس کیا۔

جبکہ اس فہرست میں اجے دیوگن چوتھے، شاہ رخ خان پانچویں ، ہرتیک روشن چھٹے اور رنویر سنگھ ساتویں نمبر پر ہیں۔

سُپر ہٹ فلموں میں سلمان خان سب سے آگے ،عامر خان اور شاہ رخ کا کونسا نمبر ہے؟