ایکنک اجلاس؛ سیلاب سے بچاؤ کیلئے 194 ارب 62 کروڑ کا منصوبہ منظور

وزیر خزانہ اسحاق ڈار کی زیر صدارت ایکنک کا اجلاس ہوا ہے جس میں سیلاب سے بچاؤ کیلئے 194 ارب 62 کروڑ کا منصوبہ منظور کیئے گئے ہیں، اعلامیے کے مطابق اجلاس میں سیلاب سے بچاؤ کیلئے 194 ارب 62 کروڑ کا منصوبہ منظور کیا گیا ہے، وزارت کا منصوبہ چاروں صوبوں سمیت گلگت بلتستان اور آزاد کشمیر میں شروع کیا جائے گا، منصوبہ وفاقی وصوبائی فنڈزسمیت ڈونرزکے فنڈزسے شروع کیا جائے گا۔

جبکہ اعلامیہ میں بتایا گیا ہے کہ ماکھی فراش لنک کینال سندھ کیلئے 12 ارب سے زائد فنڈز کی منظوری دی گئی، سیلاب سے متاثرہ کچھی کینال منصوبے کیلئے 8 ارب سے زائد کے فنڈز منظور کئے گئے ہیں، کچھی کینال منصوبہ کو 2022 کے سیلاب میں نقصان ہوا تھا۔

اعلامیے کے مطابق ایکنک نے نیو بالا کوٹ سٹی منصوبے پر بھی غور کیا، اور متعلقہ محکموں کو تکنیکی اور مالیاتی تضادات دور کرنے کی ہدایت کی۔ ایکنک اجلاس میں ملک کے 36 اضلاع کیلئے قومی ملٹی سیکٹرل نیوٹریشن پروگرام منظور کرلیا گیا، پروگرام 2025 تک وفاقی حکومت اوراسلامی ترقیاتی بینک کے تعاون سے مکمل ہوگا۔

اجلاس میں 36 کلو میٹر سندھ کوسٹل ہائے وے کیلئے 16 ارب 20 کروڑ سے زائد فنڈز منظورکئے گئے، سندھ کوسٹل ہائے وے منصوبہ وفاقی ترقیاتی پروگرام کے فنڈز سے بنے گا۔ ایکنک نے لاہور سیالکوٹ 73 کلو میٹر موٹروے منصوبے کی بھی منظوری دے دی، جس پر 36 ارب 81 کروڑ روپے سے زائد لاگت آئے گی، منصوبے کیلئے وفاقی اور صوبائی حکومت فنڈز خرچ کرے گی۔
مزید یہ بھی پڑھیں؛
علی محمد خان پھر دوبارہ گرفتار کرلیئے گئے
آئی سی سی ورلڈ کپ کا شیڈول جاری،پی سی بی کا بیان سامنے آگیا
ڈالر کی قیمت مزید نیچے آنے کا امکان
مہک ملک کی اداکاری میں اینٹری
استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم
اعلامیہ میں بتایا گیا ہے کہ سندھ میں روڈ انفراسٹرکچر منصوبہ این پانچ بھی منظور کرلیا گیا ہے، منصوبے پر 12 ارب 52 کروڑ روپے سے زائد لاگت آئے گی، اور منصوبہ بھی سندھ حکومت اور وفاقی حکومت کے اشتراک سے مکمل کیا جائے گا۔