بشری بی بی آڈیو ریکارڈنگ کیس: انوسٹیگیشن ایجنسی کو انوسٹیگیشن سے نہیں روک سکتے،عدالت

اسلام آباد: وزارت دفاع نے اسلام آباد میں آڈیو ریکارڈنگ کیس سے متعلق جواب جمع کرا دیا-

باغی ٹی وی: اسلام آباد ہائی کورٹ کے جسٹس بابر ستار نے چیئرمین پی ٹی آئی کی اہلیہ بشری بی بی کی فون بگنگ اور آڈیو لیکس کے خلاف درخواست جبکہ سابق چیف جسٹس پاکستان ثاقب نثار کے بیٹے نجم الثاقب کی آڈیو لیک کے معاملے پر پارلیمانی کمیٹی میں طلبی کے خلاف درخواست پر سماعت کی۔

ڈپٹی اٹارنی جنرل سپریم کورٹ میں مصروفیت کے باعث پیش نا ہوئے وزارت داخلہ اور پی ٹی اے نے تحریری جواب جمع کرائے جنہیں عدالت نے غیر تسلی بخش قرار دیتے ہوئے دوبارہ تفصیلی جواب طلب کیا دوران سماعت آڈیو لیکس کے خلاف کیس میں وزارت دفاع نے اسلام آباد ہائی کورٹ میں کہا کہ آڈیو ریکارڈنگ میں ان کا کوئی کردار ہے نہ موجودہ کیس میں کوئی ریکارڈنگ کی گئی ہے-

اے این ایف کی بڑی کارروائی،ٹرک سے 2 ٹن سے زائد منشیات برآمدکر لی گئی

جسٹس بابر ستار نے ریمارکس دیئے کہ جواب سے لگتا ہے کہ کوئی بھی ریکارڈنگ نہیں کر سکتا اور کسی کے پاس ٹیلیفونک گفتگو ریکارڈ کرنے کی سہولت نہیں تحریری جوابات میں عدالتی سوالات کا جواب بھی نہیں دیا گیا یہ عدالت تحمل کا مظاہر کرتے ہوئے ایک آخری موقع دے رہی ہےحکومت جواب دے ورنہ انٹیلی جنس ایجنسیوں کوبراہ راست فریق بنائیں گےدو ہی صورتیں ہیں کہ حکومت جواب دے یا ایجنسیز کو فریق بنائیں۔

درخواست گزارکے وکیل لطیف کھوسہ نے کہا بشری بی بی کو ایف آئی اے روز بلا کر کہتا ہے کہ وائس ریکارڈ کرائیں تاکہ وائس میچنگ کرا سکیں ایف آئی اے کبھی وائس میچنگ کیلئے بلا رہی ہے کبھی کسی اور وجہ سے بشری بی بی کو بار بار طلب کر کے ہراساں کیا جا رہا ہے، ایسا کرنے سے روکا جائے۔

لیسکو نے نادہندہ سرکاری اداروں کی فہرست جاری کر دی

عدالت نے کہا میں ایک انوسٹیگیشن ایجنسی کو انوسٹیگیشن سے نہیں روک سکتا، جب قانون کی کوئی خلاف ورزی ہو تو آپ اسے چیلنج کر سکتے ہیں، آپ یہ آرڈر چاہ رہے ہیں کہ ایف آئی اے قانون کے مطابق کام کرے یہ تو بےمعنی آرڈر ہو گا کیونکہ ایف آئی اے نے قانون کے مطابق ہی کام کرنا ہے آپ کہتے ہیں تو میں آرڈر لکھوا دیتا ہوں کہ ایف آئی اے قانون کے مطابق کام کرے۔

عدالت نے سابق چیف جسٹس کے بیٹے کو پارلیمانی کمیٹی میں طلبی کے سمن کی معطلی کے آرڈر میں ایک ماہ کی توسیع کرتے ہوئے سماعت ملتوی کر دی-

شیخ رشید کی گرفتاری کےخلاف درخواست دائر