اسلام آباد:توانائی کے شعبے میں بھی سرمایہ کاری ہونے لگی ،اطلاعات کےمطابق رواں مالی سال میں ملک میں بجلی کی پیداوار کے شعبے میں جاری 289.7 ملین ڈالر کی براہ راست ریکارڈ سرمایہ کاری کی گئی ہے۔
اسٹیٹ بینک کی طرف سے جاری کردہ بیان کے مطابق بجلی کے شعبے میں سرمایہ کاری میں جاری مالی سال کے دوران نمایاں اضافہ ریکارڈ کیاگیا ہے۔اس کے مقابل گزشتہ مالی سال کے دوران اس شعبے میں براہ راست غیر ملکی سرمایہ کاری نہ ہونے کے برابر ہے تاہم جاری مالی سال کے دوران اب تک 289.7 ملین ڈالر کی سرمایہ کاری ریکارڈ کی گئی ہے۔
دوسری جانب تھرمل سے بجلی کی پیداوار کے شعبہ میں براہ راست غیر ملکی سرمایہ کاری کاحجم 54.5 ملین ڈالر ریکارڈ کیا گیا ہے۔پانی سے بجلی کی پیداوار کے شعبے میں براہ راست غیر ملکی سرمایہ کاری 82.1 ملین ڈالر ریکارڈ کی گئی ہے۔
اسی طرح کوئلے سے بجلی حاصل کرنے کے منصوبوں میں 80 ملین ڈالر براہ راست سرمایہ کاری دیکھنے میں آئی۔واضح رہے کہ دسمبر کے مہینے میں تھرمل کے شعبے میں 7.3 اور پانی سے بجلی کی پیداوار کے منصوبوں میں 20.7 ملین ڈالر کی غیر ملکی سرمایہ کاری ریکارڈ ہوئی۔
