مقبوضہ کشمیر، ایک اور کشمیری بھارتی ریاستی دہشت گردی کا شکار

مقبوضہ کشمیر میں ، بھارتی فوجیوں نے ضلع پلوامہ ضلع میں ریاستی دہشت گردی کی کارروائی کے دوران ایک اور کشمیری نوجوان کو شہید کردیا۔ مذکورہ نوجوان کو اونتی پورہ علاقے میں گھر گھر تلاشی آپریشن کے دوران شہید کیا گیا۔جبکہ بھارتی فوج کا تلاشی آپریشن جاری ہے ۔

مقبوضہ کشمیر، ماہ ستمبرمیں 16کشمیری شہید

دریں اثنا ، بھارتی فوج کی طرف سے مقبوضہ وادی کے مختلف علاقوں گاندربل ، بانڈی پور ، کپواڑہ ، بارہمولہ ، سرینگر ، اسلام آباد ، کولگام ، شوپیاں ، رامبن ، ڈوڈا ، کشتواڑ اور دیگر علاقوں میں گذشتہ 12 دن سے پرتشدد تلاشی آپریشن جاری ہے۔

واضح رہے کہ مقبوضہ کشمیر میں بھارتی فوجیوں نے ریاستی دہشت گردی کے دوران گذشتہ ماہ ستمبر میں ایک عورت اور دو لڑکوں سمیت 16کشمیری شہید کر دیے۔

مقبوضہ کشمیر، ریاستی دہشت گردی میں مزید چھ کشمیری شہید

کشمیرمیڈیاسروس کے ریسرچ سیکشن کے اعداد و شمار کے مطابق ، چھ کشمیری جعلی مقابلوں میں شہید کیے گئے۔ ان شہادتوں سے ایک کشمیری عورت بیوہ اور دو بچے یتیم ہوگئے۔

مقبوضہ کشمیر، نماز جمعہ کے بعد لوگ سڑکوں پر، 12کشمیری گرفتار

ستمبر کے دوران بھارتی فوجیوں اور پولیس اہلکاروں نے پرامن مظاہرین پر گولیوں ، چھروں اور آنسوگیس کے گولوں سے فائرنگ کی جس سے 281 افراد زخمی ہوئے۔ دریں اثناءبھارتی فورسز نے حریت کارکنوں اور نوجوانوں سمیت 157 افراد کو گرفتار کیا ۔