مقبوضہ جموں و کشمیر میں گذشتہ 68روز سے کرفیو نافذ ہے اور اتنے ہی دن سے موبائل سروس بھی بند ہے۔ اب مقبوضہ جموں و کشمیر میں موبائل سروس بحال کی جا رہی ہے۔
مقبوضہ کشمیر میں پتھر بازی کے کتنے واقعات ہوئے؟
بھارتی میڈیا نے آج خبر دی ہے کہ مقبوضہ جموں و کشمیر میں کل یعنی ہفتہ کے دن سے پوسٹ پیڈ موبائل سروس بحال کی جا رہی ہے ۔ قابض حکام نے اس بات کی تصدیق کر د ی ہے ۔
تاہم حکام نے انٹرنیٹ سروس کی بحالی کی تاریخ دینے سے انکار کیا ہے ۔ حکام کے مطابق ابھی وادی کے باسیوں کو انٹرنیٹ سروس کی بحالی کے لیے مزید انتظار کرنا پڑے گا۔اسی طرح پریپیڈ سروس بھی بعد میں بحال کر دی جائے گی۔ کشمیر میں موبائل صارفین کی کل تعداد66 لاکھ ہے جن میں سے 40 لاکھ پوسٹ پیڈ ہیں۔
مقبوضہ کشمیر : ہیومن رائٹس واچ ایک بار پھر بھارتی مظالم پر بول پڑا
واضح رہے کہ مقبوضہ وادی میں کرفیو کا68 واں روز ہے اور عالمی ضمیر ابھی بھی بے حس ہے جو کشمیریوں کے ان مصائب پر نہ تو آواز بلند کر رہا ہے اور نہ ہی بھارت پر دباؤ ڈالا جا رہا ہے،عالمی برادری تاحال کشمیریوں کو جینے کا حق دلوانے میں ناکام ہے، کشمیری پانچ اگست سے اپنے گھروں میں قیدیوں کی زندگی بسر کرنے پر مجبور ہیں۔یاد رہے کہ بھارتی فوج نے 5 اگست سے وادی میں، مارکیٹ، بزنس اور پبلک ٹرانسپورٹ بند کر رکھا ہے، ادویات کی کمی کی وجہ سے مریض جان سے ہاتھ دھونے لگے۔
مقبوضہ کشمیر:بدترین لاک ڈاؤن:کرفیو کا 67 واں دن،ظلم وتشدد جاری
مقبوضہ وادی سے آنے والی اطلاعات کےمطابق بھارتی ظلم کا شکار کشمیریوں کی زندگی اجیرن ہوگئی، چپے چپے پر تعینات بھارتی فوج کی وجہ سے وادی اوپن ائیر جیل بن چکی ہے۔ کشمیری روز مرہ کی اشیاء کے لیے ترس کر رہ گئے۔کشمیر میڈیا سروس کے مطابق نئی دہلی میں صحافی، سیاسی رہنما سمیت مختلف شعبوں سے تعلق رکھنے والے 284 لوگ وادی کی صورتحال پر پٹیشن دائر کرچکے ہیں۔
