راولپنڈی :ایرانی مسلّح افواج کے چیف آف جنرل سٹاف کا وفد کے ہمراہ جی ایچ کیو کا دورہ :پاک فوج کی قیادت سے ملاقات ،اطلاعات کے مطابق آج اسلامی جمہوریہ ایران کی مسلح افواج کے چیف آف جنرل سٹاف (CGS) میجر جنرل محمد باقری نے ایک اعلی سطحی وفد کے ہمراہ جی ایچ کیو کا دورہ کیا۔
پاک فوج کے ترجمان ادارے آئی ایس پی آر کے مطابق اس موقع پر ایرانی مسلح افواج کے چیف آف جنرل سٹاف کو پاک فوج کے چاق و چوبند دستے نے گارڈ آف آنر پیش کیا۔
اس موقع پر مہمان خصوصی نے یادگار شہدا پر پھولوں کی چادر چڑھائی اور شہداء پاکستان کے لیے دعا کی۔
اسلامی جمہوریہ ایران کی مسلح افواج کے چیف آف جنرل سٹاف (CGS) میجر جنرل محمد باقری کا ایک اعلی سطحی وفد کے ہمراہ آج جی ایچ کیو کا دورہ pic.twitter.com/hFV9e5ZGTk
— Baaghi TV باغی ٹی وی (@BaaghiTV) October 13, 2021
آئی ایس پی آر کے مطابق بعد ازاں ایرانی چیف آف آرمی سٹاف جنرل قمر جاوید باجوہ سے ملاقات کی۔ ملاقات کے دوران افغانستان کی صورتحال ، علاقائی سلامتی اور بارڈر مینجمنٹ بشمول پاک ایران بارڈر پر باڑ لگانے سمیت مختلف امور پر تبادلہ خیال کیا گیا۔
اس موقع پردونوں ملکوں کی فوجی قیادت نے دفاعی تعاون کو مزید بڑھانے اور علاقائی امن کے لیے مل کر کام کرنے اور دہشت گردی کے مشترکہ دشمن پر مشترکہ جدوجہد پر اتفاق کیا۔
اس موقع پر آرمی چیف نے کہا کہ پاکستان اور ایران دو برادر ملک ہیں اور علاقائی امن اور استحکام کے لیے ہمارا قریبی تعاون بہت ضروری ہے۔
جی ایچ کیو کے دورے پر ایرانی وفد کو ایک جامع علاقائی سلامتی کی تشخیص اور آپریشنل اپ ڈیٹ کے علاوہ پاک فوج کے تربیتی نظام بشمول دوست ممالک کے ساتھ تعاون اور مختلف مشترکہ فوجی مشقوں کے انعقاد کے بارے میں بریفنگ دی گئی۔
ایرانی چیف آف جنرل اسٹاف نے فوجی اور فوجی تعلقات کو مزید مضبوط کرنے کی خواہش کا اظہار کیا خاص طور پر انسداد دہشت گردی اور تربیتی ڈومین میں۔
