قاسم سلیمانی بہادر سپاہی تھے، ایرانی سپریم لیڈر نے کیا دبنگ اعلان، دی امریکہ کو دھمکی
باغی ٹی وی کی رپورٹ کے مطابق جنرل سلیمانی کے امریکی حملے میں مارے جانے پر ایرانی سپریم لیڈر آیت اللہ خامنہ ای نے ایران میں 3روزہ سوگ کا اعلان کر دیا،ایرانی سپریم لیڈر کا کہنا ہے کہ جنرل قاسم سلیمانی کو مارنے والے قاتل سنگین بدلے کا انتظار کریں ،جنرل قاسم سلیمانی ایک بہادر سپاہی تھے،جنرل سلیمانی کےقتل نےامریکہ اوراسرائیل کےخلاف مزاحمت کومزیددگنا کر دیا.
ایرانی سپریم لیڈر آیت اللہ خامنہ ای نے مزید کہا کہ امریکہ کو سخت انتقامی کارروائی کیلئےتیار رہنا چاہیے .
ایرانی سپریم لیڈر نے امریکی صدر ٹرمپ کو مخاطب کرتے ہوئے کہا کہ تم امریکیوں نے عراق میں جرائم کا ارتکاب کیا اور افغانستان میں جرائم کا ارتکاب کیا۔ تم نے لوگوں کو قتل کیا۔ اگر اسلامی جمہوریہ ایران نے کسی ملک کی مخالفت کرنے کا فیصلہ کیا یا کسی ملک سے جنگ لڑنے کا فیصلہ کیا تو اعلانیہ کرے گا۔ ہم اپنے ملکی مفادات کا تحفظ پوری طاقت کے ساتھ کریں گے۔ ہم اپنے ملک و قوم کا وقار سربلند رکھنے کے عزم پر کاربند ہیں۔ جو کوئی بھی ہمارے اس عزم کے لیے خطرہ بنے گا، ہم بلا ہچکچاہٹ اس کا سامنا کریں گے اور سٹرائیک بھی کریں گے اور دھماکہ بھی.
بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔
امریکا نے الحشد الشعبی پر گزشتہ دنوں سفارت خانے کے گھیراؤ کا الزام لگایا تھا، الحشد الشعبی کی جانب سے ایک رہنما کی ہلاکت کی تصدیق ہو گئی ہے۔
واضح رہے کہ 30 دسمبر کو بھی امریکی فوج نے عراق اور شام میں ایرانی حمایت یافتہ ملیشیا پر فضائی حملے کیے تھے، امریکی وزیر دفاع مارک ایسپر کے مطابق کتیب حزب اللہ کے اسلحہ ڈپو سمیت 5 ٹھکانوں پر فضائی حملے کیے گئے۔ ایران کے خلاف مزید اقدامات کا عندیہ دیتے ہوئے مارک ایسپر نے کہا تھا کہ امریکا ایران کے خلاف مزید کارروائیوں کے لیے بھی تیار ہے۔
بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ معابلے پر ایران میں ٹاپ سیکورٹی باڈی کا فوری اجلاس بھی طلب کر لیا گیا ہے۔
امریکی محکمہ دفاع پنٹاگان کے مطابق جنرل سلیمانی کو مارنے کا حکم امریکی صدر ڈونلڈ ٹرمپ نے دیا تھا جس پر کارروائی کی گئی۔
قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟
