ایرانی وزیرخارجہ کا اقوام متحدہ سے رابطہ،بڑا مطالبہ کر دیا،روسی،ترک ہم منصب سے بھی گفتگو
باغی ٹی وی کی رپورٹ کے مطابق امریکی حملے میں ایرانی جنرل قاسم سلیمانی کے مارے جانے کے بعد ایرانی وزیرخارجہ نے سیکریٹری جنرل اقوام متحدہ کو ٹیلی فون کیا، جوادظریف نے انتونیوگوئترس سے جنرل قاسم سلیمانی کی ہلاکت پر گفتگو کی اور کہا کہ جنرل قاسم سلیمانی کے قتل پر دہشتگرد امریکا کا احتساب ہونا چاہیے۔
دوسری جانب روسی وزیر خارجہ نے اپنے ایرانی ہم منصب کو بھی ٹیلیفون کیا اور جنرل قاسم سلیمانی کی ہلاکت کی مذمت کی۔ بیلاروس، کیوبا، بھارت،افغانستان نے بھی مشرق وسطی کی بڑھتی ہوئی کشیدگی کو کم کرنے پر زور دیا اور جنرل قاسم سلیمانی کی ہلاکت پر تشویش کا اظہار کیا۔
دوسری طرف ایرانی وزیر خارجہ جواد ظریف نے ترک وزیر خارجہ کو ٹیلیفون کیا اور جنرل قاسم سلیمانی کی ہلاکت کے بعد کی صورتحال پر تبادلہ خیال کیا جبکہ ترک ہم منصب نے جنرل قاسم سلیمانی کی ہلاکت پر مذمت کی۔جواد ظریف نے ترک وزیر خارجہ کے بعد افغانستان کے چیف ایگزیکٹو عبد اللہ عبد اللہ نے بھی جنرل قاسم سلیمانی کی ہلاکت پر تشویش کا اظہار کیا۔
امریکا کے ایرانی جنرل قاسم سلیمانی پر حملے میں ہلاکت کے بعد مشرق وسطیٰ کے حالات کشیدہ ہیں، ایران نے انتقام لینے کی دھمکی دی ہے، امریکی صدر ٹرمپ بھی دھمکی آمیز بیانات دے رہے ہیں، امریکی وزیر خارجہ نے پاکستان اور سعودی عرب سے رابطہ کیا ہے، چین ،پاکستان نے دونوں ممالک کو پرامن رہنے کی اپیل کی ہے اور بات چیت سے معاملہ حل کرنے کا کہا ہے،اسرائیل بھی ہائی الرٹ ہے، امریکا نے چوبیس گھنٹے میں بغداد پر دوسرا حملہ بھی کیا ہے.،
بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔
بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ معابلے پر ایران میں ٹاپ سیکورٹی باڈی کا فوری اجلاس بھی طلب کر لیا گیا ہے۔
قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟
ایرانی جنرل کو مارنے کے بعد امریکہ نے دی شہریوں کو اہم ہدایات
جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟
ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا
تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا
امریکی محکمہ دفاع پنٹاگان کے مطابق جنرل سلیمانی کو مارنے کا حکم امریکی صدر ڈونلڈ ٹرمپ نے دیا تھا جس پر کارروائی کی گئی۔
۔
