عراق میں ایک بم دھماکے نتیجے میں کم از کم 8 پولیس اہلکار ہلاک ہوگئے ہیں۔
باغی ٹی وی : دو سیکورٹی ذرائع نے بتایا کہ اتوار کو تیل کی دولت سے مالا مال شہر کرکوک کے جنوب مغرب میں ان کے قافلے پر ہونے والے ایک بم سے کم از کم آٹھ عراقی وفاقی پولیس اہلکار ہلاک ہو گئے۔
عرب نیوز نے سکیورٹی ذرائع کے حوالے سے بتایا کہ کرکوک سے 20 کلومیٹر دور ایک گاؤں سفارا کے قریب یہ دھماکا اس وقت ہوا جب پولیس اہلکاروں کا قافلہ مذکورہ مقام سے گزر رہا تھا۔
دھماک کے نتیجے میں 8 پولیس اہلکار ہلاک جبکہ 2 زخمی ہوئے جن کی حالت نازک بتائی جارہی ہے دھماکے کی ذمہ داری کسی گروپ کی جانب سے قبول نہیں کی گئی۔
لکی مروت: دہشت گردوں کے حملے میں 4 پولیس اہلکار شہید اور چار زخمی
اس خطے میں اکثر دہشت گرد حملے ہوتے رہتے ہیں اور نومبر میں ایک صحرائی پوسٹ پر ہونے والے حملے میں 4 عراقی فوجی ہلاک ہوگئے تھے۔
