لاہور:بشپ آف لاہورعرفان جمیل نے عیسائی کمیونٹی کوکرونا سےمحفوظ رکھنے کےلیے آن لائن عبادات کا اعلان کردیا،باغی ٹی وی کےمطابق بشپ آف لاہورعرفان جمیل نے عیسائی مذہب کے ماننے والوں کوکرونا سے محفوظ رکھنے کےلیے حکومتی اورطبی ماہرین کی ہدایات کے مطابق عمل کرنے کا اعلان کردیا ہے
باغی ٹی وی کےمطابق بشپ آف لاہورعرفان جمیل نے کہا ہےکہ تمام عیسائی کمیونٹی کو اس بات کی ہدایت کی جاتی ہے کہ وہ گرجا گھرمیں نہ آئیں اور آج سے تا حکم ثانی تمام عبادات اب آن لائن ہی ہوا کریں گی
بشپ آف لاہورعرفان جمیل نے عیسائی کمیونٹی کوکرونا سےمحفوظ رکھنے کےلیے آن لائن عبادات کا اعلان کردیا pic.twitter.com/2te1qxuIu7
— Baaghi TV باغی ٹی وی (@BaaghiTV) April 8, 2020
اپنے پیغام میں بشپ آف لاہور نے کہا ہےکہ گڈ فرائیڈے اور ایسٹر کی مذہبی عبادات بھی سادگی سے منائی جائیں گی اور ساتھ ساتھ گڈ فرائیڈے اور ایسٹر کے موقع پر عبادات کیلئے آن لائن سہولیات دستیاب ہوں گی۔
بشپ آف لاہور عرفان جمیل نے کہا کہ ہم اللہ سے دعا گوہیں کہ اللہ تعالیٰ اپنی مخلوق سے اس بیماری کودورکرلے اوران کو شفابخش دے ، انہوں نے مزید کہا کہ آج کے بعد اللہ کے حضور تمام عبادات کا سلسلہ آن لائن کیا جارہاہے
