ہرکشمیری کے گھر کے باہر بھارتی فوجی بندوق تان کے کھڑے ہیں ، اسے ہی تو فاشزم کہتے ہیں : چیئرمین کشمیر کمیٹی

اسلام آباد: ہرکشمیری کے گھر کے باہرایک بھاری فوجی بندوق تان کے کھڑا ہے ، یہ فاشزم نہیں تو اور کسے کہتے ہیں. ان خیالات کااظہار چیئرمین کشمیر کمیٹی فخر امام نے میڈیا سے بات کرتے ہوئے کیا ، چیئر مین کشمیر کمیٹی فخرامام نے کہا کہ لاک ڈاؤن سے کشمیریوں کو گھروں میں محصور کر دیا گیا ہے۔

ذرائع کے مطابق چیئرمین کشمیر کمیٹی نے کہا کہ مقبوضہ کشمیر میں خوراک، ادویات کی قلت ہو گئی ہے، بھارت ایک غیر ذمہ دار ملک ہے۔ انہوں نے مزید کہا کہ سلامتی کونسل کا اجلاس بلانا پاکستان کی سفارتی کامیابی ہے، کشمیر پر سلامتی کونسل کا اجلاس 50 سال بعد ہو رہا ہے۔ قائداعظم محمد علی جناح نے کشمیر کو پاکستان کی شہ رگ قرار دیا تھا۔فخرامام نے کہا کہ اب وقت قریب ہے کشمیری بھی آزاد ہوجائیں گے ، پاکستان کشمیریوں کی آزادی کے لیے کوشاں ہے