اسلام آباد میں کرونا سے متاثرہ علاقوں کی گراؤنڈ سرویلینس کا عمل جاری

اسلام آباد میں کرونا سے متاثرہ علاقوں کی گراؤنڈ سرویلینس کا عمل جاری

باغی ٹی وی : ڈپٹی کمشنر اسلام آباد حمزہ شفقات کے مطابق وفاقی دارالحکومت کے علاقے جی 9 ٹو،تھری اور جی نائن مرکز کو ڈی سیل کرنے کے حوالے سے ضلعی انتظامیہ کا موقف سامنے آ گیا.سیکٹر جی 9 کے زیادہ متاثرہ علاقے میں گراؤنڈ سرویلینس کا عمل جاری ہے۔

زیادہ متاثرہ علاقے میں 150 ٹیسٹس میں سے زیادہ تر میں کوڈ 19 ٹیسٹ منفی آیا ہے،متاثرہ علاقے میں گراؤنڈ سرویلینس کے عمل سے اندازہ ہوا کہ لاک ڈاون سے وائرس پھیلاو میں کمی آئی ہے۔

این آئی ایچ کی خصوصی ٹیموں کی ائیر پورٹ پر کوڈ 19 ٹیسٹس کی ڈیوٹیز ختم کر دی گئی ہیں،این آئی ایچ اور ہیلتھ ڈیپارٹمنٹ اب وفاقی دارالحکومت میں کوڈ 19 ٹیسٹس پر فوکس کریں گے جس سے زیادہ سے زیادہ افراد کی ٹیسٹ رپورٹ جلد مل سکیں گی۔

این آئی ایچ اور ہیلتھ ڈیپارٹمنٹ کی ٹیمیں اب اسلام آباد انٹرنیشل آئیر پورٹ پر ٹیسٹ نہیں کریں گی صرف سکریننگ تک محدود رہیں گی،این آئی ایچ اور ہیلتھ ڈیپارٹمنٹ کی آئیر پورٹ سے ڈیوٹیز ختم ہونے سے کوڈ 19 ٹیسٹوں میں تیزی آئے گی
ڈپٹی کمشنر اسلام آباد

سیکٹر جی نائن میں کوڈ 19 سے متاثرہ افراد کو آئیسولیٹ کیئے بغیر ڈی سیل نہیں کیا جائے گا۔عوام الناس اور تاجروں سے گزارش ہے کہ علاقے ڈی سیل کرنے پر اصرار نہ کریں۔

انتظامیہ قیمتی انسانی جانوں کے تحفظ کی ضامن ہے اور دنیا و آخرت میں جواب دہ بھی اسلیئے تمام تر حفاظتی اقدامات کے بعد ہی علاقے ڈی سیل کیئے جائیں گے۔ڈپٹی کمشنر حمزہ شفقات

این آئی ایچ اور ہیلتھ ڈیپارٹمنٹ کی آئیر پورٹ پر مصروفیات میں کمی سے اسلام آباد میں ٹیسٹوں کی تعداد میں اضافہ ہو گا اور نتائج بھی جلدی موصول ہونے سے سرویلینس کا عمل جلد مکمل ہو جائے گا۔
شہریوں سے گزارش ہے اپنی اور اپنے اہل خانہ کی زندگیوں کو محفوظ بنانے کیلئے گھروں تک محدود رہیں اور ضابطہ اخلاق پر عملدرآمد یقینی بنائیں۔

راولپنڈی میں بھی سمارٹ لاک ڈاؤن کا نوٹفکیشن جاری، 22 علاقے ہوں گے سیل