اسلام آباد سمیت ملک کے6 بڑے شہروں میں پولیو وائرس کی تصدیق

ملک کے7 بڑے شہروں کے سیوریج میں پولیو وائرس کی تصدیق ہوگئی ہے۔ رواں سال اب تک پولیو کے 14 کیسز سامنے آچکے ہیں۔

وزارت صحت کے مطابق: گزشتہ ماہ لئے گئے نمونوں کے نتائج میں اسلام آباد اور خیبرپختونخوا کے 4 جبکہ پنجاب میں 2 شہروں کے سیوریج میں پولیو وائرس موجود ہے۔

خیبرپختونخوا کے جن شہروں میں پولیو وائرس پایا گیا ان میں پشاور، بنوں، نوشہرہ اور سوات شامل ہیں۔ بنوں کے علاقے ہنجل نورباد کے سیوریج میں بھی پولیووائرس پایا گیا۔

اسلام آباد، راولپنڈی اور لاہور میں سیوریج کے پانی میں بھی پولیو وائرس کی موجودگی ثابت ہوئی ہے۔

اسلام آباد میں سبزی منڈی جبکہ راولپنڈی میں صفدر آٓباد کے سیوریج کے پانی میں پولیو وائرس پایا گیا۔لاہورمیں ملتان روڈ کے قریب سے لیے گئے نمونوں میں پولیو وائرس ملا۔

وزیر صحت عبدالقادر پٹیل نے کہا ہے کہ جن 7 شہروں میں مثبت نتائج سامنے آئے ہیں وہاں موثر اقدامات یقینی بنا رہے ہیں۔ 15 اگست سے جنوبی خیبرپختونخوا میں جبکہ 22 اگست سے ملک کے دوسرے شہروں میں انسدادِ پولیو مہم شروع ہورہی ہے۔