لاہور ہائی کورٹ نے وزیر خارجہ اسحاق ڈار کی بطور نائب وزیرِ اعظم تقرری کے خلاف دائر درخواست خارج کر دی ہے
لاہور ہائی کورٹ نے درخواست ناقابل سماعت قرار دے کر مسترد کر دی،عدالت نے گزشتہ روز سماعت کے بعد فیصلہ محفوظ کیا تھا جو اب سنا دیا گیا ہے، لاہور ہائیکورٹ میں دائر درخواست میں درخواست گزار نے مؤقف اپنایا تھا کہ سینیٹر اسحاق ڈار وزیرِ خارجہ کے عہدے پر تعینات ہیں، آئین میں نائب وزیرِ اعظم کا عہدہ موجود نہیں ہے، آئین کے خلاف اسحاق ڈار کی بطور نائب وزیرِ اعظم تقرری کی گئی ہے، عدالت ان کی بطور نائب وزیرِ اعظم تقرری کالعدم قرار دے۔
گزشتہ ماہ وزیرِ اعظم شہباز شریف نے ن لیگی سینیٹر اور وزیر خارجہ اسحاق ڈار کو نائب وزیرِ اعظم مقرر کیا تھا،کابینہ ڈویژن نے سینیٹر اسحاق ڈار کی بطور نائب وزیرِ اعظم تقرری کا نوٹیفکیشن جاری کیا تھا۔
