اسلام آباد؛ ڈینگی کے مریضوں میں اضافہ

ڈسٹرکٹ ہیڈ آفیسراسلام آباد ن اسلام آباد میں ڈینگی سےمتاثرہ مریضوں کی تعدادمیں اضافے کی رپورٹ جاری کر دی ہے جبکہ رپورٹ میں بتایا گیا ہے کہ گزشتہ24 گھنٹوں میں مزید 17 افراد میں ڈینگی وائرس کی تشخیص ہوئی ہے اور ترنول میں سب سے زیادہ متاثر ابھی تک 28 کیسز رپورٹ ہوچکے ہیں۔

علاوہ ازیں کورال سے 10، ترلائی سے 7 ڈینگی کیسز سامنے آئے ہیں جبکہ دیہی علاقوں سے 24 گھنٹوں میں 15 کیسز سامنےآئے،تاہم کل تعداد 56 ہوگئی تاہم ڈی ایچ او کے مطابق شہری علاقوں سے 2 کیسزرپورٹ ہوئے ہیں اور کل تعداد 29 ہوگئی ہے۔

جبکہ رواں سیزن وفاق سے 85 افراد ڈینگی سے متاثر ہو چکے ہیں اور پمزمیں 2، کیپنیٹل اسپتال میں ایک اورنجی اسپتالوں میں 40 مریض زیرعلاج ہیں۔ دوسری جانب پنجاب میں 24 گھنٹوں کے دوران ڈینگی کے 67 نئے مریض رپورٹ ہوئے تھے جبکہ اس حوالے سے صوبائی سیکریٹری صحت علی جان خان نے کہا تھا کہ لاہور میں ڈینگی کے 28، راولپنڈی میں 15 اور فیصل آباد میں 6 مریض رپورٹ ہوئے۔

سیکریٹری صحت نے بتایا تھا کہ ملتان اور شیخوپورہ میں ڈینگی کے 3، 3 جبکہ بہاولنگر میں دو ، گوجرانولہ، ننکانہ، گجرات اور بہاولپور میں ایک، ایک کیس رپورٹ ہوا ہے اور انہوں نے کہا تھا کہ ٹوبہ، نارووال، مظفر گڑھ، چکوال، رحیم یار خان اور خوشاب میں ڈینگی کا ایک ایک مریض رپورٹ ہوا ہے، پنجاب بھر میں رواں سال اب تک ڈینگی کے 1042 کنفرم مریض رپورٹ ہو چکے ہیں۔
مزید یہ بھی پڑھیں؛
عمران کی رہائی کا خواب ادھورا، نیا کٹا کھل گیا،ستمبر میں نیا بھونچال
ملک میں روپے کے مقابلے امریکی کرنسی کی قیمت میں بھی اضافے کا سلسلہ جاری مہنگائی کے باعث نوجوانوں کی خودکشی، ایک جاں بحق دوسرا شدید زخمی

علی جان خان کا کہنا تھا کہ پنجاب کے اسپتالوں میں ڈینگی کے 61 مریض زیر علاج ہیں، رواں سال پنجاب کا کوئی شہری ڈینگی کی وجہ سے جاں بحق نہیں ہوا ادھر جانب ڈینگی ایکسپرٹ کمیٹی کی رپورٹ میں بتایا گیا ہے کہ لاہور کے نجی اسپتال میں 50 سالہ الیاس ڈینگی سے جاں بحق نہیں ہوا، کلینیکل آڈٹ سے ثابت ہوا ہے کہ الیاس کی وفات متعدد اعضا ناکارہ ہونے کی وجہ سے ہوئی۔