اسلام آباد ، منشیات فروشی میں ملوث غیر ملکی باشندہ گرفتار کر لیا گیا

ایس پی صدر زون محمد سرفراز ورک کی ہدایت پر تھانہ کراچی کمپنی و شالیمار پولیس کی کارروائیاں۔

دوران اسپیشل چیکنگ تین منشیات فروش گرفتارکر لیے گئے ،ملزمان کے قبضہ سے 700 گرام چرس و ایک گرام کوکین برآمد کر لی گئی ملزمان میں ایک غیر ملکی نائجیرین حاجی منصور ،محمد طلحہ اور نجسیم خان شامل ہیں ۔

ملزمان کے خلاف الگ الگ مقدمات درج کر کے مزید تفتیش شروع کردی گئی۔کارروائی ایس ڈی پی اوز کی نگرانی میں ایس ایچ او کراچی کمپنی فضل خالق و ایس ایچ او شالیمار ارشد علی معہ ٹیموں نے کی۔آ ئی جی اسلام آباد و ڈی آئی جی آپریشنز نے صدر زون پولیس کی کارکردگی کو سراہا۔جرائم پیشہ افراد کے خلاف کریک ڈاؤن جاری رکھا جائے۔

‏اسلام آباد پولیس صدر زون نے غیر قانونی اسلحہ رکھنے والے، منشیات فروش، اور شراب فروش گرفتار کر کے ملزمان کے خلاف مقدمات کا اندراج کیا۔ گن پوائنٹ پر ڈیلیوری بوائز کو لوٹنے والا ملزم بھی گرفتار کر لیا گیا ، ملزم کے قبضہ سے وارداتوں میں استعمال ہونے والا اسلحہ و موٹر سائیکل برآمد کیا گیا