اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد

نیوائر پارٹیوں کیلیے اسمگل کی جانیوالی منشیات برآمد، خاتون سمیت 2 ملزمان گرفتار

اینٹی نارکوٹکس فورس نے نیو ائر پارٹیوں اور طلبہ کو فروخت کرنے کے لیے اسمگل کی جانے والی منشیات برآمد کرکے خاتون سمیت 2 ملزمان کو گرفتار کرلیا۔ ترجمان اے این ایف کے مطابق ایک اہم اور کامیاب آپریشن کے دوران نوجوانوں، خصوصاً کالج و یونیورسٹی کے طلبہ کو پارٹی ڈرگز کی تقسیم و ترسیل کی غرض سے اسمگلنگ کی کوشش ناکام بنادی گئی ہے۔

حکام نے کراچی سے اسلام آباد لیڈی کیریئر کے ذریعے وِیڈ اسمگلنگ کی کوشش ناکام بنائی گئی۔ اطلاع تھی کہ ایک خاتون لاکھوں روپے مالیت کی وِیڈ بذریعہ بس کراچی سے راولپنڈی اسمگل کرے گی، جس پر اے این ایف کی ٹیم نے معلومات کے بعد بس ٹرمینل راولپنڈی کی مسلسل نگرانی کی۔ اسی دوران ٹرمینل پر ایک مشتبہ شخص جو وزیرستان کا رہائشی ہے، اور خاتون کو موقع سے گرفتار کر لیا گیا۔ خاتون کے بیگ کی تلاشی کے دوران لاکھوں روپے مالیت کی 4 کلو 368 گرام پلاسٹک کے ڈبوں میں چھپائی گئی وِیڈ قبضے میں لےلی گئی ہے۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
ترجمان اے این ایف کے مطابق ملزم راولپنڈی اور اسلام آباد میں پارٹی ڈرگز کی تقسیم میں ملوث گروہ کا اہم رکن اور آرگنائزر ہے۔ ضبط شدہ وِیڈ راولپنڈی اور اسلام آباد میں سالِ نو کی پارٹیوں کے دوران تقسیم کرنے کے لیے تھی۔ ملزمان کے خلاف مقدمہ درج کرکے تفتیش شروع کردی گئی ہے۔