اسلام آباد میں سیکیورٹی انتہائی الرٹ کر دی گئی

پشاور میں پیش آنے والے ناخوشگوار واقعہ کے بعد اسلام آباد میں سیکیورٹی انتہائی الرٹ کر دی گئی

اسلام آباد۔ پشاور میں پیش آنے والے ناخوشگوار واقعہ کے بعد اسلام آباد میں سیکیورٹی انتہائی الرٹ کر دی گئی، آئی جی اسلام آباد نے وفاقی دارالحکومت کے داخلی اور خارجی راستوں پر چیکنگ سخت کرنے کی ہدایات جاری کرتے ہوئے کہاہے کہ افسران خود ڈیو ٹیاں چیک کریں۔آئی جی کی ہدایات کی روشنی میں ریڈ زون سمیت دیگرسرکاری و غیرسرکاری اہم عمارات کی سکیورٹی سخت کر دی گئی۔ آئی جی نے کہا ہے کہ ڈی آئی جی آپریشنز و دیگر سینئر افسران ڈیوٹی کو خود چیک کریں۔تمام زونلز ایس پیز،ایس ڈی پی اوز اور ایس ایچ اوز امام بارگاہوں و دینی مدرسوں کا دورہ کریں اور سکیورٹی انتظامات کا خود جائزہ لیں۔