اسلام آباد : وزیراعظم پاکستان عمران خان نے اپنے ویژن ریاست مدینہ کی طرز پر پاکستان کو بنانے کے عزم پر عملی اقدامات اٹھاتے ہوئے اسلامی نظریاتی کونسل کو ہدایت کردی ہےکہ وہ جلد از جلد اس عزم کو عملی جامہ پہنانے کے لیے اقدامات کرے ،
باغی ٹی وی کے مطابق انہیںاقدامات کے حوالے سے اسلام نظریاتی کونسل کے چیئرمین ڈاکٹر قبلہ ایاز نے کہا ہے کہ ریاست مدینہ کے حوالے سے ورکنگ گروپ تشکیل دے دیا ہے جبکہ اعلامیے میں حکومتی کمیٹی کی جانب سے کونسل اور وفاقی شرعی عدالت کی حیثیت کی تبدیلی کی سفارش کو غیر آئینی قرار دے دیا۔
اسلام آباد سے ذرائع کے مطابق اسلامی نظریاتی کونسل کے 216 ویں اجلاس کے اختتام پر میڈیا سے گفتگو کرتے ہوئے چیئرمین اسلامی نظریاتی کونسل ڈاکٹر قبلہ ایاز نے کہا کہ ریاست مدینہ کے حوالے سے ورکنگ گروپ بنایا گیا ہے اور آئندہ مہینوں میں لائحہ عمل اور ورکشاپس کا انعقاد کریں گے۔