اسلام آباد: پاکستان کی عالم اسلام کے لیے خدمات کوسلام:سعودی وزیرخارجہ کی شاہ محمود قریشی سے ملاقات پرپیغام ،اطلاعات کے مطابق وزیر خارجہ شاہ محمود قریشی کی سعودی ہم منصب سے ملاقات ہوئی، وزیر خارجہ نے پاکستان کی معاونت پر سعودی وزیر خارجہ کا شکریہ ادا کیا۔
تفصیلات کے مطابق وزیر خارجہ شاہ محمود قریشی کی سعودی عرب کے وزیر خارجہ شہزادہ فیصل بن فرحان سے ملاقات ہوئی، ملاقات میں دو طرفہ تعلقات اور افغانستان سمیت خطے کی صورتحال پر تبادلہ خیال کیا گیا۔
وزیر خارجہ نے پاکستان کی معاونت پر سعودی وزیر خارجہ کا شکریہ ادا کیا۔
اس موقع پر سعودی وزیرخارجہ نے پاکستان کی قیادت کی کوششوں کی تعریف کرتے ہوئے کہا کہ پاکستان کا دل عالم اسلام کے لیےدھڑکتاہے اورہمیشہ پاکستان نے عالم اسلام کے لیے قربانی دی ، اب بھی پاکستان کوکریڈٹ جاتا ہےکہ اس ملک کی قیادت نے عالم اسلام کو اسلام آباد میں اکھٹا کردکھایا
شاہ محمود قریشی کا کہنا تھا کہ پاکستان مارچ میں او آئی سی وزرائے خارجہ کونسل اجلاس کی میزبانی کے لیے تیار ہے، 2 وزرائے خارجہ اجلاسوں کی میزبانی پاکستان کی سنجیدہ سوچ کی ترجمانی کرتی ہے۔
انہوں نے کہا کہ 40 سال کی جنگ کے بعد افغانستان میں قیام امن کا موقع میسر آرہا ہے، افغانستان میں انسانی بحران کے اثرات دنیا بھر کے لیے مضر ہو سکتے ہیں۔ مسئلہ کشمیر کے حوالے سے او آئی سی کے شکر گزار ہیں۔
