پاکستانتازہ ترین

آئی ایس پی آر نے یوم دفاع اور شہدا سے متعلق خصوصی پرومو جاری کر دیا

4 سال قبل
4 سال قبل

پاک فوج کے شعبہ تعلقات عامہ (آئی ایس پی آر ) کی جانب سے یوم دفاع اور شہدا کے حوالے سے مختصر دورانیے ویڈیوز جاری کر دی گئیں-

باغی ٹی وی : سماجی رابطے کی ویب سائٹ ٹوئٹر پر آئی ایس پی آر کی جانب سے سے جاری کی جانے والی ویڈیو میں پاک فوج کے شہیدوں کے اہلخانہ کے عزم کو خراج عقیدت اور فیملی اراکین کی قربانیوں کوخراج تحسین پیش کیا گیا ہے۔


آئی ایس پی آر نے ویڈیو کے ساتھ اپنے پیغام میں شہدا، غازیوں اور ان سے جڑے تمام رشتوں کو سلام پیش کرتے ہوئے شہداے پاکستان کو فخر بھی قرار دیا ہے۔
https://twitter.com/OfficialDGISPR/status/1431566593755172870?s=20

اس کچی عمر میں تیرا شوق رسوائی:فیاض الحسن چوہان کا بلاول کی”کچی عُمر”پرخوبصورت تبصرہ

برطانوی صحافی کرسٹینا لیمب نے افغان طالبان کوتسلیم کرنے کے حوالے سے معید یوسف سے متعلق غلط بیانی…

یومِ دفاع ہر سال 6 ستمبر کو پاکستان میں بطور ایک قومی دن منایا جاتا ہے۔ یہ دن پاک بھارت جنگ 1965ء میں افواج کی دفاعی کارکردگی اور قربانیوں کی یاد میں منایا جاتا ہے۔ء

اس کا مقصد پاکستان کے دفاع اور عسکری طاقت کو مضبوط کرنے کی یاددہانی ہے تا کہ ہر آنے والے دن میں کسی بھی حملے سے بطریق ءاحسن نمٹا جا سکے

اس دن سکول کالجز اور جامعات کے علاوہ سرکاری دفاتر میں6ستمبر 1965کی پاک بھارت جنگ کے شہداء اور غازیوں کو خراج تحسین پیش کیا جاتا ہے اور بھارت کے اس حملے کی پسپائی کا تذکرہ کیا جاتا ہے جس میں اسے شکست کا سامنا کرنا پڑا تھا،

ہر پاکستانی اپنی فوج کے دفاع پر فخر کرتا ہے اور یقین رکھتا ہے کہ پاک فوج ہر محاذ پر سرخرو ہے،

6ستمبر 1965ء کا دن عسکری اعتبار سے تاریخ عالم میں کبھی نہ بھولنے والا قابلِ فخردن ہے جب کئی گنا بڑے ملک نے افرادی تعداد میں کئی گنا زیادہ لشکر اور دفاعی وسائل کے ساتھ اپنے چھوٹے سے پڑوسی ملک پر کسی اعلان کے بغیر رات کے اندھیرے میں فوجی حملہ کر دیا۔ اس چھوٹے مگر غیور اور متحد ملک نے اپنے دشمن کے جنگی حملہ کا اس پامردی اور جانثاری سے مقابلہ کیا کہ دشمن کے سارے عزائم خاک میں مل گئے۔ بین الاقوامی سطح پر بھی اسے شرمندگی اٹھانا پڑی۔ جارحیت کرنے والا وہ بڑا ملک ہندوستان اور غیور و متحد چھوٹا ملک پاکستان ہے

1965ء کی ہندوستان اور پاکستان کے درمیان ہونے والی اس جنگ میں ثابت ہوا کہ جنگیں ریاستی عوام اور فوج متحد ہو کر ہی لڑتی اور جیت سکتی ہیں۔ پاکستانی قوم نے اپنے ملک سے محبت اور مسلح افواج کی پیشہ وارانہ مہارت اورجانثاری کے جرأت مندانہ جذبے نے ملکر نا ممکن کو ممکن بنا کر دکھایا-

ٹیگز:
Shares:

مزید خبریں