چلاس بس حادثہ پاک فوج کے ہیلی کاپٹرریسکیوکررہے ہیں ، آئی ایس پی آر

راولپنڈی : چلاس کے قریب بابو سر کے پہاڑی علاقے میں بس حادثے کے فوری بعد پاک فوج کے دستے وہاں پہنچ گئے ، آئی ایس پی آر نے بابوسر حادثے کے بارے میں تفصیلات بتاتے ہوئے کہا ہےکہ اس حادثے میں 26 افراد شہید ہوئے ہیں جن میں 10 شہداء کا تعلق پاک فوج سے ہے

آئی ایس پی آرکے مطابق پاک فوج نے بابوسر کے مقام پر بس حادثے کے زخمیوں اور شہداء کو وہاں سے گلگت سی ایم ایچ ہسپتال منتقل کرنے کے لیے فی الفور پاک فوج کے ہیلی کاپٹر وہاں بھیج دیئے تھے ، جہاں سے پاک فوج کی ریسکیوٹیم کے اہلکاروں نے بس کے تمام شہید اور زخمی مسافروں کو ہسپتال پہنچا دیا ہے جہاں پر زخمیوں کا علاج معالجہ جاری ہے