فلسطینیوں کی بیرون ملک سفر پر پابندیاں برقرار

اسرائیل (اے پی پی) اسرائیل کی جانب فلسطینیوں کی بیرون ملک سفر پر پابندیاں برقرار ہیں.

تفصیلات کے مطابق اسرائیلی حکام کی جانب سے نام نہاد سیکیورٹی وجوہات کی آڑمیں فلسطینی شہریوں کے بیرون ملک سفر عائد پابندیوں کا سلسلہ بدستور جاری ہے۔ گذشتہ ہفتے الکرامہ گذرگاہ سے 26 فلسطینیوں کی آمد ورفت ہوئی۔ مرکز اطلاعات فلسطین کے مطابق فلسطینی پولیس کا کہنا ہے کہ کاغذات اور سفری دستاویزات مکمل ہونے کے باوجود اسرائیلی حکام نے ’الکرامہ‘ گذرگاہ سے اردن داخل ہونے والے متعدد فلسطینیوں کو بیرون ملک جانے سے روک دیا۔ ان میں سے بعض شہریوں کو یہ بھی نہیں بتایا گیا کہ انہیں سفر سے کیوں روکا گیا ہے۔ گذشتہ ہفتے 57 ہزار فلسطینیوں کو بیرون ملک سفر کی اجازت دی گئی۔