اسرائیل ،غزہ میں عارضی جنگ بندی کے لیے رضا مند

اسرائیل غزہ میں عارضی جنگ بندی کے لیے رضا مند ہوگیا۔

باغی ٹی وی : عالمی میڈیاکے مطابق پہلے مرحلے میں 50 سے 70 تک فلسطینی قیدیوں کا رہا کرنے کا فیصلہ کیا گیا ہے قیدیوں میں بچے اور خواتین شامل ہوں گی جبکہ ان کی رہائی آئندہ 24 گھنٹے میں متوقع ہے اسرائیلی حکام نے ڈیل سے متعلق مذاکرات کی تصدیق کردی جبکہ حماس کا مذاکرات سے متعلق کوئی ردعمل سامنے نہیں آیا۔

دوسری جانب چین اور سعودی عرب سمیت دیگر عرب اور مسلم اکثریتی ممالک نے غزہ میں جاری قتل عام کو روکنے کیلئے دنیا سے مطالبہ کیا ہے کہ فوری طور پر جنگ بندی کی جائے اور اس معاملے پر فوری طور پر کام شروع کیا جائے،بیجنگ اسرائیل اور حماس کے درمیان جنگ بندی کے قیام کے لیے کوششیں تیز کر رہا ہے اسی تناظر میں عرب ممالک کے وزراء خارجہ نے چین کا دورہ کیا۔

حسینہ معین پاکستانی مصنفہ، مکالمہ نگار اور ڈراما نویس

چین کے وزیر خارجہ وانگ یی نے سعودی عرب، اردن، مصر، فلسطینی نیشنل اتھارٹی اور انڈونیشیا کے ہم منصبوں کے ساتھ ساتھ اسلامی تعاون تنظیم کے سربراہ کا چینی دارالحکومت کے دو روزہ دورے پر خیرمقدم کیا، وانگ نے بات چیت سے قبل افتتاحی کلمات میں دورہ کرنے والے رہنماؤں کو بتایا کہ عالمی برادری کو اس سانحے کو پھیلنے سے روکنے کے لیے موثر اقدامات کرتے ہوئے فوری طور پر کام کرنا چاہیے چین اس تنازعہ میں انصاف کے ساتھ مضبوطی سے کھڑا ہے، انہوں نے چین کی جانب سے فوری جنگ بندی کے مطالبے کا اعادہ بھی کیا۔

سعودی عرب کے وزیر خارجہ شہزادہ فیصل بن فرحان آل سعود کے ساتھ دورے پر آنے والے وزرا نے تنازعے کے خاتمے کے لیے اپنے اپنے مطالبات کا اظہار کیا اور کہا کہ پیغام واضح ہے، جنگ کو فوری طور پر روکنا چاہیے، ہمیں فوری طور پر جنگ بندی کی طرف جانا چاہیے، اور امدادی سامان اور امداد فوری طور پر پہنچنی چاہیے،وفد میں شامل ممالک نے چین اور ”تمام ممالک“ کے ساتھ تعاون کرنے کی امید ظاہر کی جو ’ذمہ دار ہیں اور صورتحال کی سنگینی کو سمجھتے ہیں-

اڑن طشتری کی اطلاع ملنے پر بھارتی فضائیہ کے لڑاکا طیاروں کی پروازیں

چین نے ہمیشہ جنگ بندی کا مطالبہ کیا ہے جبکہ واشنگٹن جنگ بندی کے خلاف ہےبیجنگ نے اسرائیل کی انتقامی کارروائیوں پر بھی تنقید کی ہے اور اپنے بیانات میں حماس کی مذمت یا اس گروپ کا نام لینے سے گریز کیا ہے۔

چین کی وزارت خارجہ کی طرف سے ایک ریڈ آؤٹ میں وانگ نے بات چیت کے دوران عرب ممالک کے وفد کو بتایا کہ اسرائیل کو چاہیے کہ وہ غزہ کے لوگوں پر اپنی اجتماعی سزا کو روکے، اور جلد از جلد ایک انسانی راہداری کھولے تاکہ بڑے پیمانے پر انسانی بحران کو رونما ہونے سے روکا جا سکے،ہم نے ہمیشہ عرب اور مسلم ممالک کے جائز حقوق اور مفادات کا مضبوطی سے دفاع کیا ہے، اور ہمیشہ فلسطینی عوام کے جائز قومی حقوق اور مفادات کی بحالی کی کوششوں کی بھرپور حمایت کی ہے-

نگران وزیر شاہد اشرف تارڑ کی چینی سفیر سے ملاقات،ایم ایل ون منصوبے پر …

وانگ نے مزید کہا کہ بیجنگ ،عرب اور مسلم ممالک کا اچھا دوست اور بھائی ہے،اس نے ہمیشہ فلسطینی عوام کے جائز قومی حقوق اور مفادات کی بحالی کے لیے مضبوطی سے حمایت کی ہے،چین ’غزہ میں لڑائی کو جلد از جلد روکنے، انسانی بحران کے خاتمے اور مسئلہ فلسطین کے جلد، جامع، منصفانہ اور دیرپا تصفیے کو فروغ دینے کے لیے کام کرے گا۔