قابض اسرائیلی حکام نے سینیر فلسطینی سماجی کارکن، مصنفہ اور کالم نگار خاتون لمیٰ خاطر کو جیل سے رہا کردیا۔
42 سالہ لمیٰ خاطرکا تعلق غرب اردن کے جنوبی شہر الخلیل سے ہے۔ اس کے شوہر حازم الفاخوری نے سماجی رابطے کی ویب سائٹ فیس پرلکھا کہ اللہ کا شکر ہے کہ لمیٰ صہیونی جیل سے آزاد ہوگئی ہیں۔
یادرہے کہ لمیٰ خاطر کو اسرائیلی حکام نے ایک سال قبل حراست میں لیا تھا۔ انہیں 13 ماہ تک انتظامی حراست کے تحت قید رکھا گیا اور 4000
شیکل جرمانہ کی سزا وصول کرنے کے بعد رہا کیا ہے۔ گرفتاری کے بعد لمیٰ خاطر کو 34 دن تک وحشیانہ تشدد کا نشانہ بنایا گیا۔
