پاکستان دشمنی میں‌ اسرائیل بھارت کو جدید اسپائس 2000 بم دے گا

نیو دہلی: پاکستان دشمنی میں اسرائیل بھی اندھا ہوگیا ، پاکستان بھارت کی ممکنہ جنگ میں پاکستان کو نقصان دینے کے لیے اسرائیل نے بھارت کو جدید ترین اسپائس بم دینے کا اعلان کردیا ہے. اطلاعات کے مطابق اسرائیل اپنے جدید اسپائس 2000 بموں کی نئی کھیپ ستمبر کے وسط تک بھارتی فضائیہ کے حوالے کر دے گا۔

بھارتی دفاعی ذرائع کے مطابق بھارتی فضائیہ اسرائیلی دفاعی ساز و سامان بنانے والی کمپنی رافیل ایڈوانسڈ ڈیفنس سسٹمز سے 100 اسپائس بم خریدے گی۔بھارتی میڈیا کے مطابق اسپائس 2000 بموں کی فراہمی اسرائیل بھارت کے درمیان 300 کروڑ روپے کے دفاعی معاہدے کا حصہ ہے۔

یاد رہے جکہ بھارت اور اسرائیل کے درمیان 100 سے زائد اسپائس بموں کی خریداری کا معاہدہ رواں برس جون میں طے پایا تھا۔ بھارتی ائیرفورس کا دعویٰ ہے کہ بھارت نے بالاکوٹ حملے میں اسپائس بموں سے بمباری کی تھی۔