تل ابیب: اسرائیلی فوج کا کہنا ہے کہ وہ لبنان کے اندر حملے کی تیاری کر رہی ہے۔
باغی ٹی وی :”العربیہ” کے مطابق مقبوضہ گولان کے علاقے میں دورے کے دوران اسرائیل کے چیف آف اسٹاف ہرتزی ہیلفی نے بتایا کہ اسرائیل کی توجہ حزب اللہ سے مقابلے پر مرکوز ہے اسرائیلی فوج شمالی علاقوں اور گولان کے پہاڑی علاقے کی آبادی کو درپیش خطرات کم کرنے کی کوشش کر رہی ہے۔
قبل ازیں اسرائیلی فوج نے جنوبی لبنان پر شدید فضائی حملے کیےاس دوران میں کئی قصبوں نشانہ بنایا گیا جبکہ حزب اللہ کی جانب سے جنوبی لبنان سے کیے جانے والے حملوں میں مرکزی طور پر اسرائیلی فوجی ٹھکانوں کو نشانہ بنایا جاتا ہے،حزب اللہ کا موقف ہے کہ وہ یہ حملے غزہ میں جاری مزاحمت کی سپورٹ میں کر رہی ہے۔
سعودی عرب اسرائیل کو تسلیم کرنے کو تیار
غزہ میں سات اکتوبر 2023 سے جاری اسرائیلی حملوں کے بعد سے اسرائیل اور حزب اللہ کے درمیان شروع ہونے والے تصادم میں اب تک لبنان میں کم از کم 610 جاں بحق ہو چکے ہیں، ان میں حزب اللہ کے 394 ارکان اور 135 شہری شامل ہیں، دوسری جانب اسرائیلی حکام کا کہنا ہے کہ حملوں میں 24 اسرائیلی فوجی اور 26 شہری مارے گئے ہیں۔
