اسرائیلی بلدیہ کے فلسطینی تاجروں کو بھاری جرمانے

اسرائیل کی ریاستی دہشت گردی کے ساتھ ساتھ فلسطینیوں کے خلاف معاشی دہشت گردی بھی جاری ہے۔
اسرائیلی ریاستی دہشت گردی، جولائی میں 6 فلسطینی شہید، 414 گرفتار
مرکز اطلاعات فلسطین کے مطابق قابض اسرائیلی فوج کی بھاری نفری نے باب العامود کے مقام پر فلسطینی دکانوں پر چھاپے مارے اور فلسطینی دکانداروں کو بغیر کسی وجہ کے بھاری جرمانے کیے۔

چھاپہ مار کارروائی کے بعد فلسطینی تاجر برادری میں سخت اشتعال پایا جا رہا ہے اور بازاروں میں سخت کشیدگی کی فضا ہے۔

یاد رہے کہ باب العامود بازار مسجد اقصیٰ میں آنے جانے والے فلسطینیوں کے لیے مرکزی راستہ ہے۔ فلسطینی شہری یہاں سے خریداری میں دلچسپی لیتے ہیں مگر اسرائیلی حکام نے انتقامی کارروائی کے تحت باب العامود میں فلسطینی دکانداروں کو ہراساں کرنا اور انہیں کھل کر کاروبار کرنے سے محروم کرنے کی پالیسی اپنا رکھی ہے۔