تل ابیب:اسرائیلی مظالم کے خلاف مزاحمت،اسرائیل کا 6 ماہ میں بجٹ خسارہ180 فیصد بڑھ گیا

تل ابیب :فلسطینی مزاحمت چھ ماہ میں اسرائیل کا بجٹ خسارہ 180 فی صد بڑھ چکا
غزہ :فلسطینیوں پر اسرائیلی فوجیوں کے مظالم کے خلاف مزاحمت پر اسرائیلی معاشی طور پر کمزور ہونے لگا اور صرف 6 ماہ میں اسرائیل کا خسارہ 180فیصد تک بڑھ گیا ہے.یہ تفصیلات فلسطینی پارلیمنٹ کے ڈپٹی اسپیکر ڈاکٹر احمد بحر نے شیئر کی ہیں اور انہوں نےصہیونی حکام کی طرف سے فلسطینی قیادت کے خلاف جاری منفی اور اشتعال انگیز صہیونی مہم کا ڈٹ کرمقابلہ کرنے پرزور دیا ہے۔ ان کا کہناہےکہ اسرائیلی حکام سینیر رہنما الشیخ حسن یوسف کا معنوی قتل کرنا چاہتے ہیں۔ ان کے خاندان کو بدنام کرکے فلسطینیوں کی تحریک آزادی اور مزاحمت کونقصان پہنچانے کی کوشش کی جا رہی ہے۔

انہوں نے کہا کہ الشیخ حسن یوسف قوم کی عزت وقار اور تحریک آزادی کی ایک زندہ علامت ہیں۔ انہوں‌نے زندگی کا بیشتر حصہ صہیونی زندانوں میں‌گذار دیا ہے۔ وہ فلسیطنی قوم کےلیے ایک ڈھال بن کر کھڑے ہیں۔اور فلسطینی قوم ان کے ساتھ ہے.

ڈاکٹراحمد بحر نے الشیخ حسن یوسف اور ان کے خاندان کی تحریک آزادی کے لیے خدمات کو خراج تحسین پیش کیا اور کہا کہ کسی ایک بچے کے منحرف ہونے کی بناء پرپورے خاندان کی کردار کشی نہیں کی جاسکتی۔ الشیخ حسن یوسف اور ان کے خاندان کو بدنام کرنے کے لیے صہیونی دن رات سرگرم ہیں۔انہوں نےکہا کہ وہ وقت قریب ہے جب دوبارہ فلسطینی اس مقبوضہ علاقے کو اپنے قبضے می‌لے لیں گے.