مقبوضہ بیت المقدس میں صیہونی مظالم جاری ، اسرائیل نے فسلطینی وزیر کو گرفتار کر لیا

مقبوضہ بیت المقدس : ایک طرف مقبوضہ کشمیر میں گائے کے پجار ی کشمیری مسلمانوں پر مظالم جاری رکھے ہوئے ہیں‌تو دوسری طرف مقبوضہ بیت المقدس میں صیہونی فوجی فلسطینیوں‌ پر مظالم کرنے میں‌سکون محسوس کرتے ہیں‌، اطلاعات کےمطابق اسرائیلی پولیس نے یروشلم کے معاملات کے فلسطینی وزیر کو حراست میں لے لیا ہے۔ پولیس کے مطابق فادی الھدمی کو مشرقی یروشلم میں سیاسی سرگرمی کے الزام میں گرفتار کیا گیا ہے۔

اسرائیلی حکام کا کہنا ہےکہ انہیں مبینہ طور پر ایک نئے قانون کی خلاف ورزی کے الزام میں گرفتار کیا گیا ہے جس کے تحت یروشلم کے اسرائیلی قبضے میں موجود حصے میں سیاسی سرگرمیوں کی ممانعت ہے۔اسرائیلی پولیس کے مطابق اسی الزام میں فلسطینی انتظامیہ کے نئے مقرر کردہ گورنر عدنان الغیث کی تلاش بھی جاری ہے۔اسرائیلی مظالم کے خلاف فلسطینی مظاہرین نے بھی بھر پور احتجاج کیا اور وزیر کی رہائی کا مطالبہ بھی کیا

SHAREFacebook Twitter