صہیونی فوجی حواس باختہ ہوگئے ، اپنے ہی طیارے پر فائرنگ کردی

تل ابیب:فلسطینیوں پر مظالم ڈھانے والے صہیونی فوجی حواس باختہ ہونا شروع ہوگئے ، اطلاعات کے مطابق اسرائیلی فوج نے گولان پہاڑیوں کی فضائی حدود میں میں داخل ہونے والے اپنے ہی طیارے پر فائرنگ کر دی

عالمی ذرائع ابلاگ کی طرف سے جاری تفصیلات کے مطابق گولان کی پہاڑیوں کے مقبوضہ علاقے میں اسرائیلی دستوں نے غلطی سے اسرائیل ہی کے ایک طیارے پر فضا میں فائرنگ شروع کر دی، یہ واقعہ گزشتہ روز آیا اور ملکی دستوں نے اس ہوائی جہاز کو ایک دشمن طیارہ سمجھ لیا تھا۔

دوسری طرف صیہونی فوج کے ترجمان کا کہنا تھا کہ یہ سمجھتے ہوئے کہ یہ طیارہ اسرائیل کی سلامتی کے لیے فوری نوعیت کا ایک خطرہ تھا، سکیورٹی دستوں نے اس ہوائی جہاز پر فائرنگ شروع کر دی اور ایسا تب تک کیا جاتا رہا، جب تک یہ محسوس نہ ہوا کہ یہ تو اسرائیل ہی کا ایک سویلین طیارہ تھا۔اس بارے میں فوج کے ترجمان نے کہاکہ یہ بہت سنجیدہ نوعیت کا واقعہ ہے، جس کی چھان بین کی جا رہی ہے۔