اسرائیل میں کرونا سے 5 ہلاکتیں، مریضوں کی تعداد 2500 ہو گئی

اسرائیل میں کرونا سے 5 ہلاکتیں، مریضوں کی تعداد 2500 ہو گئی

باغی ٹی وی کی رپورٹ کے مطابق کرونا وائرس سے اسرائیل میں 5 ہلاکتیں ہو چکی ہیں جبکہ مریضوں کی تعداد 2500 ہو گئی ہے.

عرب نیوز کے مطابق اسرائیل میں کرونا وائرس کے مریضوں کی تعداد میں اضافہ ہو رہا ہے،اسرائیلی وزیر اعظم نے اسرائیل میں کورونا وائرس کے پھیلاؤ کو روکنے کے لئے جمعرات سے 7 دن کے لئے اسرائیل کو مکمل بند کرنے کا اعلان کیا تھا،نتین یاہو کا کہنا تھا کہ حکومت ہنگامی حالت کے لئے قوانین کا نفاذ کرے گی، شہریوں کو گھروں سے نکلنے کی اجازت نہیں ہو گی، شہری صرف کھانا اور دوائیاں لینے کے لئے گھروں سے باہر نکل سکتے ہیں.

اسرائیل نے گزشتہ ہفتے تمام ملک میں اسکولوں اور جامعات کی بندش کا حکم دیا تھا تاکہ وائرس کے پھیلاؤ کو روکا جا سکے اور ملک کے اکثر علاقوں میں اس حکم کی تعمیل کی گئی لیکن قدامت پسند یہودیوں کے علاقے ہریدی میں اب بھی کچھ تعلیمی ادارے کھلے ہوئے ہیں

اسرائیلی ریاست کی وزارت صحت کی طرف سے جاری ایک بیان میں شہریوں پر زور دیا گیا ہے کہ وہ ضروری کام کے علاوہ اپنے گھروں سے باہر نہ نکلیں اور اپنی اقتصادی، سماجی اور دیگر سرگرمیوں کو محدود رکھیں۔