لاہور:سکولوں میں چھٹیاں کب سے کب تک ہوں گی ،فیصلہ ہوگیا،اطلاعات کے مطابق اس وقت ملک میں کرونا وائرس کے بڑھتے ہوئے کیسز کے خطرات کے پیش نظر ہنگامی بنیادوں پرسکلوں میں چھٹیاں کرنے کا فیصلہ کرلیا ہے،
ذرائع کے مطابق پچھلے دو دن سے اس سلسلے میں مشاورت جاری تھی دوسری طرف عالمی ادارہ صحت نے بھی اس بات کی نشاندہی کی تھی کہ پاکستان کے سکولوں سے کرونا وائرس کے پھیلنے کے واقعات میں اضافہ ہوا ہے
ادھر پرسوں کے اجلاس کے بعد آج وزارت تعلیم نے کورونا بڑھنے پرتعلیمی اداروں کے لیے تجاویزصوبوں کو بھجوادیں، ذرائع کے مطابق اس سلسلے میں جو تجویز سامنے آئی ہے اس کے مطابق تعلیمی اداروں کو 24نومبر سے31جنوری تک بند کر دیا جائے،
جبکہ اس حوالے سے دوسری تجویز یہ سامنے آئی کہ 24نومبر سے پرائمری اسکولز بند کر دئیے جائیں،یہ بھی کہا گیا ہےکہ 2دسمبرسےمڈل سکولز بند کر دئیے جائیں،اس کے ساتھ ساتھ یہ بھی کہا گیا کہ 15دسمبر سے ہائرسیکنڈری سکولز کے بچوں کو اداروں میں آنے سے روک دیا جائے،
دوسری طرف اساتذہ اورماہرین طب کا کہنا ہےکہ حکومت کے اس فیصلے کا مقصد اصل میں اساتذہ کو کورونا کے رحم وکرم پر چھوڑنے کی تیاریاں کی جارہی ہیں ، ادھر حکام اساتذہ کو تعلیمی اداروں میں بلانے پر بضد ہیں ، یہ بھی کہا جارہا ہےکہ اساتذہ کو بلایا جائے،آن لائن ایجوکیشن کے لیے تیاری کی جائے،
یہ بھی معلوم ہوا ہے کہ اس سلسلے میں بین الصوبائی وزرائےتعلیم کانفرنس 23نومبرکوہوگی،صوبے تجاویزلائیں ،تعطیلات کےہوم ورک کےشیڈول پررپورٹ صوبائی حکومت کوپیش کی جائے گی
رپورٹ کی بنیاد پر این سی او سی کو بھی آگاہ کیا جائے گا،دوسری طرف سی ای اوز کو20 نومبرتک موسم سرماکی تعطیلات کیلئےشیڈول جمع کرانےکا حکم دے دیا گیا ہے
ادھر ڈسٹرکٹ ایجوکیشن اتھارٹیز کے سی ای اوز شیڈول جمع کروا کر سفارشات بھی کریں گے، ساتھ یہ بھی بتایا گیا ہےکہ پنجاب کے سرکاری اسکولزمیں موسم سرما کی تعطیلات کی تیاریاں کی جاری ہیں،
ادھر ان مسائل کے پیش نظر محکمہ اسکولزنے صوبے بھر کی ڈسٹرکٹ ایجوکیشن اتھارٹیز کو مراسلہ ارسال کردیا۔
