شہبازشریف دورمیں سیرت اکیڈمی کوتالالگاکرغیرفعال کرناافسوسناک ہی نہیں قابل مذمت بھی ہے:چودھری پرویزالٰہی

لاہور:وزیر اعلیٰ پنجاب چودھری پرویز الٰہی سے چیئرمین پاکستا ن علماء کونسل حافظ محمد طاہر محمود اشرفی نے ملاقات کی ہے اور اس دوران شہبازشریف دور میں سیرت اکیڈمی لاہورکوتالےلگانے کے عمل کی شدید مذمت کی گئی ہے

ذرائع کے مطابق اس حوالے سے وزیراعلیٰ پنجاب کا کہنا تھا کہ شہباز شریف دور میں سیرت اکیڈمی کو تالا لگاکر غیر فعال کرنا افسوسنا ک ہی نہیں قابل مذمت بھی ہے، ان کا یہ بھی کہنا تھا کہ یہ قوم کے منصوبے ہیں، جنہیں روک کر قومی خزانے کو نقصان پہنچایا گیا۔

وزیراعلیٰ پنجاب چوہدری پرویز الٰہی نے کہا کہ مخالفین کی سوچ صرف ذاتی مفادات کے گرد گھومتی ہے۔چودھری پرویزالٰہی نے اس موقع پراپنی حکومت کی ترجیحات بتاتے ہوئے کہا کہ ہم نے ہمیشہ قومی مفادات کو ترجیح دی ہے۔چودھری پرویزالٰہی نے طاہر اشرفی سے بات کرتے ہوئے کہا کہ سیرت اکیڈمی کو بحال او رمتحدہ علمابورڈ کو فعال کیا جائے گا۔

وزیراعلیٰ پنجاب چوہدری پرویز الٰہی نے کہا کہ سیرت اکیڈمی میں ایم فل کی کلاسیں شروع کی جائیں گی۔مدینہ یونیورسٹی،جامعہ الازہر اور عالم اسلام کی دیگر نمایاں جامعات کے اشتراک سے ایم فل کی کلاسیں ہوں گی۔متحدہ علما بورڈ کو فعال کرکے دین کی خدمت کا کام لیا جائے گا ۔سیرت اکیڈمی کو دین کے حوالے سے ہونے والے فیصلوں کا مرکز بنایا جائے گا۔

چودھری پرویز ا لٰہی نے کہا کہ سیرت اکیڈمی میں دینی نصاب کے حوالے سے تحقیقی کام بھی کیاجائے گا۔بین المسالک و بین المذاہب ہم آہنگی کیلئے کوششیں جاری رکھی جائیں گی۔ سیلاب میں متاثرہ مساجد اورمدارس کی بحالی کا کام بھی کیاجائے گا۔سیلاب متاثرین کی بحالی و آبادی کاری کیلئے قومی اتفاق پیدا کرنے کیلئے تمام تر کاوشیں بروئے کار لائیں گے۔ عرب ممالک اور انکے اداروں کو پنجاب میں سیلاب متاثرین کے لئے امدادی سرگرمیوں میں سہولت دیں گے۔

چودھری پرویزالٰہی نے کہا کہ سیلاب زدگان کی مدد کے لئے شفاف طریقہ کار وضع کیا گیا ہے۔

چیئرمین پاکستان علما کونسل مولانا طاہر اشرفی نے سیلاب متاثرین کیلئے وزیر اعلی پرویز الٰہی کی کاوشوں کی تعریف کی ،دین کے لئے وزیراعلیٰ چودھری پرویزالٰہی کی خدمات کو ہمیشہ یادر رکھا جائے گا۔متحدہ علماء بورڈ ایکٹ لانے کے حکومتی فیصلے کی تائید کرتے ہیں۔

ایم پی اے حافظ عمار یاسر، راسخ الٰہی،پرنسپل سیکرٹری وزیر اعلیٰ محمد خان بھٹی، سابق پرنسپل سیکرٹری وزیر اعلی جی ایم سکندر،سابق صدر بینک آف پنجاب ہمیش خان اور اعلی حکام بھی اس موقع پر موجود تھے

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.