لاہور: پروفیسرحافظ سعید کی ملک وقوم کے لیے بڑی خدمات:حافظ سعید کی حفاظت کرنا پاکستان کی ذمہ داری ہے:اطلاعات کے مطابق سینئیر تجزیہ کار جنرل (ر) امجد شعیب کا کہنا ہے کہ پروفیسرحافظ محمد سعید کی ملک وقوم کے لیے بڑی خدمات ہیں اورقوم ان کی خدمات کی معترف بھی ہے،
ان کا کہنا تھا کہ گذشتہ روز جوہر ٹاؤن میں دھماکا ہوا۔دھماکے میں 3 افراد جاں بحق جب کہ 24 سے زائد افراد زخمی ہوئے ہیں۔اس دھماکے کی اہمیت اس لیے بھی ہے کہ یہ ہمارے محترم حافظ سعید کی رہائش گاہ سے چند قدم کے فاصلے پر ہوا اور غالباَ یہ انہی کو نشانہ بنانے کی کوشش تھی۔
جنرل ریٹائرڈ امجد شعیب کہتے ہیں کہ یہاں پر پولیس نے ایک بیرئیر لگایا ہوا ہے جہاں سے آگے گزرنا مشکل ہے۔برئیر کے قریب ہی دہشتگرد موٹرسائیکل پارک کر کے چلایا گیا ، دھماکا ہو گیا جس کے نتیجے میں کافی تباہی ہوئی،بےگناہ لوگ بھی مارے گئے۔
امجد شعیب نے مزید کہا کہ حافظ سعید کی خدمات کو یاد رکھتے ہوئے کم از کم ان کے لیے تحفظ کا انتظام کرنا چاہئیے کہ کوئی دشمن ان کے گھر تک نہ پہنچ سکے۔
انہوں نے مزید کہا کہ دہشتگردی کا یہ واقعہ ہماری آنکھیں کھول دینے کے لیے کافی ہے،ہمیں یاد رکھنا ہو گا کہ دشمن بھولا نہیں ہے اور حافظ سعید کی جان کا دشمن ہے۔امجد شعیب نے کہا کہ حافظ سعید کی حفاظت کرنا پاکستان کی ذمہ داری ہے۔
