جہانگیر ترین کے اسلام آباد میں ڈیرے،اہم ملاقاتیں

معروف سیاسی رہنما، جوڑ توڑ کے ماہر جہانگیر ترین نے اسلام آباد میں ڈیرے ڈال لئے،

جہانگیر ترین کل اسلام آباد پہنچے تھے، جہانگیر ترین کی رات کو اسلام آباد میں دو اہم شخصیات سے ملاقاتیں ہوئی ہیں، میڈیا رپورٹس کے مطابق جہانگیر ترین سے جنوبی پنجاب سے اہم شخصیات کی ملاقاتیں ہوئی ہیں، جہانگیر ترین نے ان شخصیات سے اپنی نئی پارٹی کے حوالے سے مشاورت کی کی،

جہانگیر ترین سے تحریک انصاف کی سابق رہنما ڈاکٹر فردوس عاشق اعوان نے انکی رہائش گاہ پر ملاقات کی ،ملاقات میں مستقبل کے سیاسی لائحہ عمل پر تبادلہ خیال کیا گیا ،ملاقات میں ترین گروپ کے رہنما عون چوہدری بھی موجود تھے

جہانگیر ترین سے آج سندھ، خیبر پختونخوہ سے تعلق رکھنے والے اہم رہنما ملاقات کرینگے ،جہانگیر ترین اسلام آباد میں مشن مکمل کرنے کے بعد کل لاہور پہنچیں گے،جہانگیر ترین سے اپوزیشن لیڈرراجہ ریاض، ملتان سے سلمان نعیم نے بھی ٹیلی فونک رابطہ کیا، جہانگیر ترین نے اپنی پارٹی کے نئے نام کے حوالے سے مشاورت مکمل کر لی،

جہانگیر ترین کئی دنوں سے لاہور میں موجود تھے، جہانگیر ترین اور علیم خان کی لاہور میں ملاقات بھی ہوئی تھی، جہانگیر ترین سے پی ٹی آئی چھوڑنے والے اراکین بھی رابطے کر رہے ہیں، جہانگیر ترین نئی سیاسی جماعت بنا رہے ہیں، اسلام آباد میں جہانگیر ترین نئی سیاسی جماعتوں کے حوالہ سے بھی مشاورت کریں گے، جہانگیر ترین کی نئی سیاسی جماعت کا نام مسلم لیگ جناح کے طور پر سامنے آ سکتا ہے

واضح رہے کہ علیم خان اور جہانگیر ترین تحریک انصاف میں تھے اور عمران خان کے انتہائی قریبی تھے، مگر اقتدار ملنے کے بعد عمران خان تکبر میں آ گئے اور انہوں نے اپنے قریبی دوستوں کو دور کر دیا، جہانگیر ترین الگ ہوئے تو علیم خان نے بھی پی ٹی آئی چھوڑی، اب حالت یہ ہو چکی ہے کہ تحریک انصاف میں صرف عمران خان ہی رہ جائیں گے باقی سب ساتھ چھوڑ جائیں گے

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

 ریاست مخالف پروپیگنڈے کوبرداشت کریں گے نہ جھکیں گے۔

 چیف جسٹس عامر فاروق نے معاملے کا نوٹس لے لیا