جیلوں میں قیدیوں کو سہولیات دینے کیلیے اقدامات کو حتمی شکل دے دی گئی

سرگودھا (بیورو رپورٹ) جیلوں میں قیدیوں کو بنیادی حقوق دینے کیلئے اقدامات کو حتمی شکل دیتے ہوئے جیل مینول تبدیل کرنے کا اصولی فیصلہ کرلیا گیا ہے مینول میں تبدیلی کے ذریعے قیدیوں کی ترجیحی کلاسز کو ختم کیا جارہا ہے نئے ایکٹ کے تحت اب تمام قیدیوں کو یکساں سہولیات اور ایک ہی کلاس ملے گی اس سلسلہ میں سرگودھا سمیت صوبہ بھر کی تمام جیلوں میں نئے ایکٹ کے تحت قیدیوں کو بنیادی سہولتیں دینے کیلئے اقدامات کو حتمی شکل دی جارہی ہے جبکہ قیدیوں کو بنیادی سہولتوں کی فراہمی کیساتھ ساتھ تعلیم اور ہنر مند بنانے کیلئے بھی اقدامات کئے جارہے ہیں۔