لندن :ملالہ یوسف زئی کونکاح کی سب سے پہلے مبارکباد جمائما نے دیکر سب کوحیران کردیا ،اطلاعات کے مطابق وزیراعظم عمران خان کی سابقہ اہلیہ جمائما گولڈ اسمتھ نے امن کا نوبیل انعام حاصل کرنے والی پاکستانی طالبہ اور سماجی کارکن ملالہ یوسفزئی کو نکاح پرمبارک باد دی ہے۔
ان کے نکاح پر دنیا بھر سے مبارکباد دہینے کا سلسلہ شروع ہوگیا ہے اور وزیراعظم عمران خان کی سابقہ اہلیہ جمائما گولڈ اسمتھ نے بھی انہیں نکاح کی مبارکباد دی ہے۔
Mubarak & mashallah x
— Jemima Goldsmith (@Jemima_Khan) November 9, 2021
اپنی ٹوئٹ میں جمائما نے لکھاکہ ‘مبارک، ماشاء اللہ‘۔
خیال رہے کہ ملالہ یوسفزئی پاکستان کرکٹ بورڈ (پی سی بی) ہائی پرفارمنس سینٹر کے افسر سے شادی کے بندھن میں بندھ گئیں۔ ذرائع نے بتایا کہ ملالہ یوسفزئی کے شوہر عصر ملک پی سی بی میں جنرل منیجرآپریشنز ہیں
یاد رہے کہامن کا نوبیل انعام حاصل کرنے والی پاکستانی طالبہ اور سماجی کارکن ملالہ یوسفزئی نکاح کے بندھن میں بندھ گئی ہیں ، ان کے شوہر عصر پاکستان کرکٹ بورڈ (پی سی بی) ہائی پرفارمنس سینٹر کے افسر ہیں۔
پی سی بی ذرائع کے مطابق ملالہ یوسف زئی کے شوہر عصر ملک پی سی بی میں جنرل منیجر آپریشنز ہیں، عصر ملک نے دو سال پہلے پاکستان کرکٹ بورڈ جوائن کیا تھا۔
ذرائع کا کہنا ہے کہ عصرملک لاہور یونیورسٹی آف مینجمنٹ سائنسز (لمس) کے گریجویٹ ہیں اور ان کا شمار پی سی بی کے قابل افسران میں ہوتا ہے۔ذرائع کے مطابق عصر ملک پی ایس ایل فرنچائز ملتان سلطانز میں بھی جنرل منیجر آپریشنز رہ چکے ہیں
