جماعت اسلامی کا کراچی بھر میں احتجاج کا اعلان!

جماعت اسلامی کی حقوق کراچی تحریک کےتحت 30 جنوری کو 50 مقامات پر دھرنے دیے جائیں گے۔ دھرنوں کی تمام تیاریاں اور انتظامات مکمل کرلیے گئے ہیں۔ حقوق کراچی کی اس تقریب میں ٗحافظ نعیم الرحمن ودیگر رہنما خطاب کریں گے۔ کراچی میں کیے جانے والے یہ دھرنے شام 4 بجے سے شروع کیئے جایئں گے اور رات گئے تک جاری رہیں گے۔ دھرنے شہر بھر کے تمام اضلاع میں دیے جائیں گے،ترجمان جماعت اسلامی۔

ضلع وسطی میں ڈالمن مال حیدری،امتیاز اسٹور ناظم آباد،ناگن چورنگی، ودیگرعلاقےاس دھرنے میں شامل ہوں گے۔ کراچی دھرنے میں شمالی4.Kچورنگی،سرجانی ٹاون،نارتھ کراچی،الآصف اسکوائر سہراب گوٹھ بھی شامل ہیں۔ ضلع شرقی میں ملینیم شاپنگ مال جوہر موڑ،جوہر چورنگی،صفورہ چوک،ودیگر علاقے شامل ہوں گے۔ ڈسکو بیکری گلشن اور یس کے علاوہ اقبال،یونیورسٹی روڈ حسن اسکوائر، ضلع جنوبی میں ماڑی پور روڈ،لیاری نزد غلامان عباس اسکول،گارڈن،آگرہ تاج،ودیگر ، ضلع غربی میں اورنگی ٹاؤن5نمبر،شیل پیٹرول پمپ فقیرکالونی ودیگر مقامات پر دھرنے دیے جائینگے۔ ضلع ملیر میں اسپتال چورنگی،بھینس کالونی، ڈی سی آفس،لعل آباد موڑ،سمیت مختلف مقامات پر اور شاہراہ قائدین نزد نورانی کباب،لسبیلہ چوک،پرانی سبزی منڈی شاہ ژوب ہوٹل پر بھی دھرنا دیا جائیگا۔

یہ دھرنے کراچی میں پیپلزپارٹی کی صوباٰئی حکومت کی بدانتظامی اور وفاقی حکومت کی کراچی کے مسائل سے مسلسل کنارہ کشی اختیار کیے جانے کے خلاف دیے جائیں گے۔