معروف اداکار، فلم پروڈیوسر اور ہدایت کار، جمال شاہ کو عبوری حکومت میں وفاقی وزیر برائے قومی ورثہ و ثقافت کا عہدہ دیا گیا ہے ، انہوں نے حلف اٹھانے کے بعد عہدے کا چارج سنبھال لیا ہے۔وفاقی وزیر برائے قومی ورثہ و ثقافت نے ذمہ داریاں سنبھالنے کے بعد انہوں نے قومی ورثہ و ثقافت کا دورہ کیا، وزارت میں سیکرٹری فارینہ مظہر اور قومی ورثہ و ثقافت ڈویژن کے دیگر افسران سے ملاقات کی۔وفاقی سیکرٹری نے جمال شاہ کو بریفنگ دی اور انہیں ہیریٹیج اینڈ کلچر ڈویژن کے کام کے بارے میں آگاہ کیا۔ افسران سے خطاب کرتے ہوئے وفاقی وزیر نے کہا کہ وہ ملک میں ثقافت اور فنکار برادری کی بہتری اور ترقی کے لیے کام کریں گے.
”جمال شاہ کا کہنا ہے کہ مجھے جو زمہ داری دی گئی ہے اس کو میں احسن طریقے سے نبھانے کی کوشش کروں گا. ”جمال شاہ نے یہ بھی کہا کہ میں بہت شکر گزار ہوں کہ مجھے اتنی اہم زمہ داری سونپی گئی ہے اور سوشل میڈیا اور قریبی دوستوں کا بہت شکریہ جنہوں نے مجھے مبارکباد کے پیغامات دئیے ہیں . یاد رہے کہ جمال شاہ نہ صرف اداکار ہیں بلکہ ایک عرصے سے وہ آرٹ کی خدمت کررہے ہیں.