جماعت اسلامی یوتھ پی کے 78 کے زیر اہتمام، کوہاٹی
گیٹ پشاور میں جوانوں کے مسائل کے حوالے سے یوتھ جرگہ منعقد ہوا_
جس میں پی کے 78 اور گرد و نواہ کے علاقوں سے جوانوں اور سیاسی نمائندوں سمیت جماعت اسلامی یوتھ پی کے 78 شمالی کے صدر شیخ عرفان،
صدر پی کے 78 شرقی امین جان، جنرل سیکرٹری جماعت اسلامی یوتھ پشاور عبدالرحیم، جماعت اسلامی یوتھ پشاور کے صدر حسن بشیر، اور امیر
جماعت اسلامی پشاور عتیق الرحمن نے شرکت کی اور خطاب کیا_
حسن بشیر صدر جماعت اسلامی یوتھ پشاور اور امیر جماعت اسلامی پشاور عتیق الرحمن نے کوہاٹی گیٹ میں یوتھ جرگہ سے خطاب کرتے ہوئے کہا کہ
پاکستان کی تمام پارٹیاں ایک خاص ٹولے کے افراد پر مشتمل ہیں جوپچھلے 75 سال سے پاکستان میں مختلف پارٹیوں اور جھنڈوں تلے حکومت کررہے ہیں_
حکومتی پارٹی تحریک انصاف سمیت تمام پارٹیوں نے ہمیشہ جھوٹے وعدوں کے نتیجے میں پشاور کے جوانوں کا ووٹ حاصل کر کہ حکومت حاصل کیا
لیکن پشاور کا جوان آج بھی بے روزگاری، منشیات، سٹریٹ کرائم اور بدامنی کا شکار ہے_ پشاور میں حکومت نے دوران حکومت کوئ تعلیمی ادارہ قائم
نہیں کیا، جوانوں کے لئیے کھیلوں کے میدان یا پارک نہیں بنیں، ہنر مندی اور آئ ٹی کے کوئ سینٹر موجود نہیں ہیں_ جماعت اسلامی پاکستان کی وہ
منظم جماعت ہے جو پشاور سمیت ملک بھر میں جوانوں کی حقیقی ترجمانی کرنے کی صلاحیت رکھتی ہے_ وقت آگیا ہے کہ پشاور کے جوان جماعت
اسلامی یوتھ پشاور کے پلیٹ فارم پر منظم ہو کر چوروں، لٹیروں اور جاگیرداروں سے حکومت چھین کر پاک دامن اور با صلاحیت افراد کے حوالے کرے_
