جماعت اسلامی بھی خیبر پختونخوا کے اہم شہر میں پاور شو کر رہی

جماعت اسلامی بھی خیبر پختونخوا کے اہم شہر میں پاور شو کر رہی

باغی ٹی وی :جماعتِ اسلامی پاکستان آج سوات کے گراسی گراؤنڈ میں جلسہ کر رہی ہے، جلسے سے امیرِ جماعتِ اسلامی سینیٹر سراج الحق خطاب کریں گے.جماعتِ اسلامی پاکستان آج سوات کے گراسی گراؤنڈ میں جلسہ کر رہی ہے، جلسے سے امیرِ جماعتِ اسلامی سینیٹر سراج الحق خطاب کریں گے۔

پارٹی ذرائع کے مطابق سوات کے گراسی گراؤنڈ میں جماعتِ اسلامی پاکستان کے جلسے کی تیاریاں مکمل کر لی گئی ہیں۔جلسے سے امیرِ جماعت اسلامی سینیٹر سراج الحق کے علاوہ سینیٹر مشتاق احمد بھی خطاب کریں گے۔

جلسہ گاہ کو پرچموں اور بینرز سے سجایا گیا ہےجبکہ جلسے کے سیکیورٹی کے لیے بھی سخت انتظامات کیئے گئے ہیں

ادھر پشاور میں پاکستان ڈیموکریٹک موومنٹ آج سیاسی قوت کا مظاہرہ کرے گی ، رنگ روڈ کبوتر چوک میں جلسہ کی تیاریاں مکمل ہیں، جلسہ گاہ کے قریب تجارتی مراکز اور روڈ بندکر دیئے گئے۔

جلسہ میں ڈی جے بٹ کارکنوں کا لہو گرمائیں گے ،4 ہزارسے زائد پولیس افسران واہلکارامن وامان کی ڈیوٹی سرانجام دینگے۔ اپوزیشن رہنماوں کیلئے 8 فٹ اونچا ،32 فٹ چوڑا اور120 فٹ لمبا اسٹیج تیار کیا گیا ہے۔ ٹریفک کے نظام کو کنٹرول کرنےکے لیے ایک ہزار ٹریفک اہلکار تعینات کئے گئے ہیں۔جلسہ گاہ کے اطراف میں موبائل سروس جزوی بند کر دی گئی۔

جواب چھوڑیں

آپ کا ای میل ایڈریس شائع نہیں کیا جائے گا.