جماعت اسلامی کے رکن محمد عاقل کی اہلیہ فریدہ عاقل انتقال کرگئیں ،ْ نماز جنازہ میں حافظ نعیم ودیگر کی شرکت

جماعت اسلامی کے رکن محمد عاقل کی اہلیہ جماعت اسلامی کراچی حلقہ خواتین کی حج ماسٹر ٹرینر، رکن جماعت اسلامی فریدہ عاقل رضائے الہیٰ سے انتقال کرگئیں ، نماز جنازہ فاطمہ جناح کالونی نزد جامع مسجد فاروقی میں ادا کی گئی جب کہ مقامی قبرستان میں سپردخاک کیا گیا ۔نماز جنازہ میں امیرجماعت اسلامی کراچی حافظ نعیم الرحمن ،نائب امراء کراچی برجیس احمد ،ڈاکٹر اسامہ رضی، راجہ عارف سلطان ،عبد الوہاب ،انجینئر سلیم اظہر، ڈپٹی سکریٹریز کراچی راشد قریشی ، نوید علی بیگ،عبد الرحمن فدا،سکریٹری اطلاعات زاہد عسکری،پبلک ایڈ کمیٹی کے جنرل سیکریٹری نجیب ایوبی ،صوبائی ناظم عمومی محمد دین ،الخدمت کراچی کے عنایت اللہ اسماعیل ادیب ،قاضی صدر الدین سمیت اہل محلہ ،عزیز و اقارب ورشتہ داروں نے بڑی تعداد میں شرکت کی اور مرحومہ کے لیے دعائے مغفرت ، لواحقین وپسماندگان کے لیے صبر جمیل کی دعا کی ۔
علاوزیں فریدہ عاقل کے انتقال پر نائب امراء کراچی محمد اسحاق خان، ڈاکٹر واسع شاکر،مسلم پرویز،سکریٹری کراچی منعم ظفر خان، ڈپٹی سکریٹریز حافظ عبد الواحد شیخ،یونس بارائی، عبد الرزاق خان،ودیگر نے گہرے دکھ اور غم کا اظہار کرتے ہوئے مرحومہ کے لیے مغفرت،لواحقین وپسماندگان کے لیے صبرِ جمیل کی دعا کی ہے۔