جامعہ کراچی میں بدترین لوڈشیڈنگ،آن لائن کلاسز متاثر
دفتری امور بھی ٹھپ ،لیب میں کروڑوں کے کیمیکلزودیگر سامان تباہ، تعلیمی وتحقیقی نقصان سے بچنے کےلئے جامعہ کراچی میں لوڈشیڈنگ ختم کی جائے۔ڈاکٹر شاہ علی القدر
جامعہ کراچی میں بجلی کا بحران سنگین ھوگیا ہے.روزانہ10سے12 گھنٹے بجلی کی بندش معمول بن چکی ہے جس کے باعث لیب میں کروڑوں روپے مالیت کے کیمیکلز اور دیگر سامان خراب ہوچکے ہیں۔اورجامعہ کو تعلیمی نقصانات کے ساتھ مالی نقصانات بھی اٹھاناپڑ رہا ہے۔مصدقہ ذرائع کے مطابق آن لائن کلاسز بری طرح متاثر ہورہی ہیں۔سمسٹر امتحانات سے قبل کورسز کی تکمیل مشکل ہوگئی۔جامعہ کراچی کو تعلیمی و تحقیقی ادارے کی وجہ سے کے الیکٹرک نے لوڈ شیڈنگ سے مستثنیٰ قرار دیا گیا تھا.
جامعہ کراچی میں اس وقت اوسطاً ایک دن میں 10سے 12 گھنٹے کی لوڈ شیڈنگ کی جارھی ھے۔جس کے باعث تعلیمی نقصانات کے ساتھ دفتری امور بھی بری طرح متاثر ہورہے ہیں ۔صدر انجمن اساتذہ جامعہ کراچی پروفیسر ڈاکٹر شاہ علی القدر نے وفاقی وزیر پانی و بجلی اور کے الیکٹرک کے اعلی حکام سے جامعہ کراچی میں فوری طور پر لوڈ شیڈنگ ختم کرنے کا مطالبہ کیا ھے۔
