جمیعت کو ختم کیا جارہا ، سراج الحق نے ایسا کیوں کہا

جمیعت کو ختم کیا جارہا ، سراج الحق نے ایسا کیوں کہا

باغی ٹی وی :امیر جماعت اسلامی سراج الحق نے کہا ہےکہ جمعیت کو ختم کرنے کی کوششیں کی جا رہی ہیں کیا اس تنظیم کا یہ ہی جرم ہے کہ یہ ملک کے لئے کام کرتی ہے۔

تقریب سے خطاب کے دوران ان کا کہنا تھا کہ جس طرح کے پروگرام جمعیت نے منعقد کئے یہ قابل تحسین ہیں، ایک تنظیم ہے جو کبھی طلباء کے لئے مفت ٹیوشن کا انتظام کرتی ہے۔

انہوں نے کہا کہ یہ وہی تنظیم ہے جو والدین کا احترام اور نوجوانوں میں ادب سکھاتی ہے، اور اس کے لوگ امتحانات میں اوّل نمبر لیتے ہیں، یہ لوگوں کو مساجد کی طرف بلاتی ہے طلباء کے ہاتھوں میں قرآن قریم تھما دیتی ہے۔سراج الحق کا کہنا تھا کہ کوئی طوفان آئے یا زلزلہ یہ ہی تنظیم اگلے مورچوں پر کھڑی رہتی ہے۔
واضح رہےکہ دو طلبا تنظیموں کے درمیان تصادم کےنتیجے میں ایک طالب علم جاںبحق ہوگیا تھا، یہ بھی اطلاعات ہیں کہ انٹرنیشنل اسلامک یونیورسٹی کا کنٹرول رینجرز نے سنبھال لیا،اطلاعات کےمطابق اسلامک یونیورسٹی اسلام اباد میں دوطلباتنظیموں کے درمیان ہونے والی لڑائی کے بعد رینجرز نے کنٹرول سنھبال لیا ہے اوراطلاعات ہیں کہ واقعہ میں ملوث طالب علموں کی گرفتاری کے لیے کارروائی جاری ہے