جموں وکشمیر سے آرٹیکل 370ہٹائے جانے کے بعد فاروق عبداللہ نے مودی حکومت بارے کیا کہا

نیشنل کانفرنس کے لیڈر فاروق عبداللہ کا جموں و کشمیر سے آرٹیکل 370 ہٹائے جانے کے بعد پہلا بیان سامنے آ گیا ہے۔

فاروق عبداللہ نے بھارتی ٹی وی چینل نیوز 18 سے بات کرتے ہوئے کہا کہ مودی حکومت نے جموں و کشمیر کے لوگوں کے ساتھ دھوکہ کیا ہے۔ فاروق عبداللہ کے مطابق کہ مودی حکومت ایسا کیسے کر سکتی ہے، جب کہ جموں و کشمیر کو اس کی آئینی گارنٹی دی گئی تھی ۔ مجھے میرے گھر سے جانے نہیں دیا جا رہا ہے۔ ایسا لگ رہا ہے جیسے میرے گھر میں ہی مجھے جیل کر دیا گیا ہے۔

یاد رہے کہ اس بیان سے کچھ دیرپہلے ہی بھارتی وزیرداخلہ امیت شاہ نے ایوان کو بتایا تھا کہ فاروق عبداللہ کو گرفتار نہیں کیا گیا۔انھوں نے یہ بھی کہا تھا کہ فاروق عبداللہ کو حراست میں بھی نہیں لیا گیا ہے، وہ اپنے گھر پر ہیں۔