پاکستان کی ٹک ٹاک اسٹار جنت مرزا نے اداکارہ ایمن خان کی جانب سے دیئے گئے مشورے پر رد عمل کا اظہار کیا۔
باغی ٹی وی : چند دن پہلے ایمن خان کے حال ہی میں دئیے گئے انٹرویو کا ایک مختصر ویڈیو کلپ سوشل میڈیا پر وائرل ہوا تھا جس میں ڈیجیٹل شو کے میزبان ڈائریکٹر وجاہت رؤف نے ان سے سوال پوچھا تھا کہ آپ ٹک ٹاکر جنت مرزا کو کیا مشورہ دیں گی؟ ایمن خان نے فوراً جواب دیا تھا ’’جنت کم میک اپ کیا کرو‘‘۔
برطانوی شاہی خاندان پرڈرامہ:ہمایوں سعید نیٹ فلیکس پرنمودار:مبارکبادکےمستحق ہیں:فیصل جاوید خان
ایمن خان کی یہ ویڈیو وائرل ہونے کے بعد ٹک ٹاکر جنت مرزا نے سوشل میڈیا پر اپنی ایک ویڈیو شیئر کی ہے جس میں وہ کسی کا بھی نام لیے بغیر کہہ رہی ہیں کہ کسی کے گھر کا مسئلہ ہے یہ کسی کو کیا حق ہے کسی کی بھی زندگی میں دخل اندازی کرنے کا کیا حق ہے؟
اس ویڈیو کے ساتھ جنت نے کیپشن لکھا جب کوئی اپنے چہرے پر بہت زیادہ میک اپ اور سرجری کروانے کے بعد آپ کو کہے کہ میک اپ نہ کرو‘‘۔
جنت مرزا نے ویڈیو میں کہیں بھی ایمن خان کا نام تو نہیں لیا تاہم سوشل میڈیا صارفین کا کہنا ہے کہ انہوں نے یہ خاموش پیغام ایمن خان کو ہی دیا ہے۔
