ایک کروڑ فالوورزحاصل کرنے والی پاکستانی ٹک ٹاک اسٹار جنت مرزا نے پاکستان میں ویڈیو شیئرنگ ایپ ٹک ٹاک کی پابندی کے بعد ٹک ٹاکرز کو ایک اہم مشورہ دیا ہے۔
باغی ٹی وی: پاکستان ٹیلی کمیونی کیشن اتھارتی (پی ٹی اے) کی جانب سے ویڈیو شیئرنگ ایپ ٹک ٹاک پر عوامی شکایات کے باعث پابندی لگا دی گئی جس کے بعد سے ٹک ٹاکرز بہت پریشان ہیں کیونکہ متعدد ٹک ٹاکرز اس ایپ کے ذریعے روزگار کما رہے تھے اور اب یوں اچانک اس کی پابندی کے بعد ٹاک ٹاکرز کی آمدنی کا ذریعہ بھی ختم ہوگیا ہے۔
ملک بھر میں ٹک ٹاک بند ہونے کے بعد ٹک ٹاکرز نے اس ایپلیکشن کو استعمال کرنے کا دوسرا راستہ وی پی این نکالا ہے جس کے ذریعے وہ پابندی کے باوجود بھی ٹک ٹاک استعمال کررہے ہیں لیکن پاکستان کی نمبر ون ٹک ٹاک اسٹار جنت مرزا نے صارفین کو وی پی این استعمال نہ کرنے کا مشورہ دیا ہے۔
پاکستان میں ٹک ٹاک بند ہونے کے بعد جنت مرزا نے اپنی انسٹاگرام اسٹوری میں ٹک ٹاک صارفین کو مشور ہ دیتے ہوئے کہا کہ وی پی این (VPN) استعمال نہ کریں۔
ٹک ٹاک اسٹار نے کہا کہ اگر آپ وی پی این کے ذریعے ٹک ٹاک استعمال کریں گے تو آپ کا ٹک ٹاک اکاؤنٹ ہمیشہ کے لیے بند ہوجائے گا۔
