2020 اولمپکس: جاپان نے پروازوں کی تعداد میں اضافے کا اعلان کردیا

ٹوکیو (اے پی پی) 2020 ٹوکیو اولمپکس سے قبل جاپان آنے والی پروازوں کی تعداد میں اضافہ ہوگا.

تفصیلات کے مطابق جاپان میں 2020 ٹوکیو اولمپکس اور پیراولمپکس سے قبل دارالحکومت کے ہوائی اڈے پر آنے والی پروازوں کی تعداد میں یومیہ 50 نئی بین الاقوامی پروازوں کا اضافہ ہو گا۔ ٹوکیو اولمپکس اور پیرا اولمپکس سے قبل ہانیا ہوائی اڈے پر پروازوں کی آمد و رفت میں 50 فیصد اضافہ ہو گا۔ نئے شیڈول کا آغاز آئندہ سال مارچ سے کیا جائے گا۔ آٹھ پروازیں چین اور 4 آسٹریلیا کے لیے ہوں گی۔ روس کے لیے 4 اضافی پروازیں ہوں گی۔ بھارت، اٹلی، ترکی، فن لینڈ سمیت مختلف ملکوں کے لیے 2 دو پروازیں ہوں گی۔

واضح رہے کہ نئی پروازوں میں سے نصف پروازیں جاپان ایئر لائن اور ال نیپون ایرویز کے زیر انتظام ہوں گی.